'നന്നായിട്ടുണ്ട് മോനെ ' ലാലേട്ടന്റെ അനുഗ്രഹം കിട്ടി : നായകനാവുന്ന ആദ്യ ചിത്രത്തിന്റെ ട്രെയിലര് മോഹന്ലാലിനെ കാണിച്ച് അഖില് മാരാര്
സംവിധായകനും ബിഗ്ബോസ് താരവുമായ അഖില് മാരാര് മലയാളികള്ക്ക് സുപരിചിതനാണ്. ഒരു താത്വിക അവലോകനം എന്ന സിനിമയാണ് അഖില് മാരാര് സംവിധാനം ചെയ്തത്. മുളളന് കൊല്ലി എന്ന സിനിമയിലൂടെ ഇപ്പോള് നായകനാവുകയാണ് താരം. മുളളന് കൊല്ലിയുടെ ട്രെയിലര് മോഹന്ലാലിനെ കാണിച്ച് അനുഗ്രഹം വാങ്ങിയെന്ന് അറിയിച്ചിരിക്കുകയാണ് സാമൂഹ്യമാധ്യമത്തിലൂടെ അഖില് മാരാര്.
''ജീവിതം രസകരമായ സിനിമയാണ്.. എന്റെ ജീവിതം സിനിമ പോലെ അപ്രതീക്ഷിതമായ വഴിതിരിവുകള് ഉള്ള ഒരു സിനിമ പോലെ എഴുതപ്പെട്ടതാണ്... എന്നെ നയിക്കുന്ന ശക്തിയുടെ സഹായത്താല് ഞാന് ഞാനായി മുന്നോട്ട് പോകുന്നു..
സിനിമയില് ചാന്സ് ചോദിച്ചു അലഞ്ഞ പയ്യന്, അസിസ്റ്റന്റ് ഡയറക്ടര്, തിരക്കഥ കൃത്തു, സംവിധായകന് എന്നീ വേഷങ്ങള്ക്ക് ശേഷം നടന് എന്നൊരു വേഷവും എന്നിലേക്ക് വന്ന് ചേര്ന്നു...ലാലേട്ടന് ഈ കാണുന്നത് ഞാന് മുഖ്യ വേഷത്തില് എത്തുന്ന മുള്ളന് കൊല്ലി സിനിമയുടെ ട്രെയിലര് ആണ്..'നന്നായിട്ടുണ്ട് മോനെ ' ലാലേട്ടന്റെ അനുഗ്രഹം കിട്ടി.. ഇനി നിങ്ങളുടെ മുന്നിലേക്ക് അടുത്ത ആഴ്ച ട്രെയിലര് എത്തും..ഫോറം മാളില് 19ന് വൈകിട്ട് ട്രെയിലര് ലോഞ്ച് നടക്കും.. അതിന് മുന്പ് ലാലേട്ടന്റെ അനുഗ്രഹം ലഭിച്ചത് ഏറെ സന്തോഷം. എല്ലാവരുടെയും പ്രാര്ത്ഥന ഉണ്ടാവണം'' , എന്നാണ് അഖില് മാരാര് കുറിച്ചിരിക്കുന്നത്.
ബാബു ജോണാണ് മുള്ളന് കൊല്ലി സംവിധാനം ചെയ്യുന്നത്. ബാബു ജോണ് തന്നെയാണ് ചിത്രത്തിന്റെ തിരക്കഥയും എഴുതുന്നത്.അഭിഷേക് ശ്രീകുമാര്, സെറീന ആന്, നവാസ് വള്ളിക്കുന്ന്, കൃഷ്ണപ്രിയ, അതുല് സുരേഷ്, ലക്ഷ്മി ഹരികൃഷ്ണന്, ജാഫര് ഇടുക്കി, കോട്ടയം നസീര്, ജോയ് മാത്യു, ആലപ്പി ദിനേഷ്, കോട്ടയം രമേഷ്, പ്രസീജ് കൃഷ്ണ, ആര്സിന് ആസാദ്, ആസാദ് കണ്ണാടിക്കല്, ശിവദാസ് മട്ടന്നൂര്, ശ്രീഷ്മ ഷൈന് ദാസ്, ശശി ഐറ്റി, റോബര്ട്ട്, നസീര് ഷൊര്ണൂര്, അനുപമ പിവി, അശോകന് മണത്തണ തുടങ്ങിയവരും താരനിരയിലുണ്ട്.
LATEST NEWS
- ഹോള്ട്ടര് നെക്ക് ബ്ലൗസിനൊപ്പം കോക്ക്ടെയിൽ സാരിയില് ഗ്ലാമര് എലഗന്റ് ലുക്കില് സണ്ണി ലിയോണ്; താരത്തിന്റെ ബോളിവുഡ് ഏറ്റെടുത്ത് ആരാധകര്
- ‘എന്റെ 17 സിനിമകൾ തുടർച്ചയായി പരാജയപ്പെട്ടു, കാനഡയില് ജോലിക്ക് പോയി; ഞാന് ഇന്ത്യക്കാരനാണ്, എന്നുമങ്ങനെ തുടരും...’ കനേഡിയന് പാസ്പോര്ട്ട് വിവാദത്തെപ്പറ്റി അക്ഷയ് കുമാര്
- ‘ഒരാളുടെ സ്വകാര്യ ജീവിതം തലക്കെട്ടുകളാക്കും മുമ്പ് ഔദ്യോഗിക സ്ഥിരീകരണത്തിന് കാത്തിരിക്കൂ; ‘44’ ഹൈലൈറ്റ് ചെയ്യുന്നതെന്തിന്?...’ അനുഷ്ക ഷെട്ടിയുടെ വിവാഹവാർത്ത അപ്പാടെ തള്ളി താരത്തിന്റെ ടീം
- ‘പാപ്പന്സ് സ്റ്റൈൽ അലേർട്ട്...’; 2 നിറങ്ങൾ സമന്വയിപ്പിച്ച കുർത്തയിലും മുണ്ടിലുമുള്ള സിഗ്നേച്ചര് ലുക്ക് പങ്കിട്ട് ജയസൂര്യ; സരിതയുടെ ഡിസൈന് ഇത്തവണയും മാസ്സ് എന്ന് കമന്റുകള്
- ' കാലങ്ങളായുളള സ്വപ്നം, എന്റെ ഹൃദയം നിറയുന്നു' ; മരത്തിന് മുകളില് കഫേ തുടങ്ങിയ സന്തോഷം പങ്കുവച്ച് ഹരീഷ് ഉത്തമന്
