' കഥ പോലും കേള്ക്കാതെയാണ് അഭിനയിക്കാന് സമ്മതിച്ചത്, ഞാന് രജനി സാറിന്റെ വലിയ ആരാധകന്' ; ' കൂലി' കാമിയോ സ്ഥിരീകരിച്ച് ആമിര് ഖാന്
രജനികാന്ത്- ലോകേഷ് കനകരാജ് ചിത്രം കൂലിയില് താന് കാമിയോ ചെയ്യുന്നുണ്ടെന്ന് സ്ഥിരീകരിച്ച് ബോളിവുഡ് താരം ആമിര് ഖാന്. താന് വലിയ രജനികാന്ത് ആരാധകനാണെന്നും അദ്ദേഹത്തിന്റെ സിനിമയായതിനാല് കഥ പോലും കേള്ക്കാതെയാണ് സിനിമയില് അഭിനയിക്കാന് സമ്മതിച്ചതെന്നും ആമിര് ഒരു അഭിമുഖത്തില് വ്യക്തമാക്കി.
' അതേ, ഞാന് ലോകേഷിനൊപ്പം ഒരു സിനിമ ചെയ്യുന്നുണ്ട്. അതിനൊപ്പം കൂലിയില് ഒരു കാമിയോയും ചെയ്യുന്നുണ്ട്. അത് ഏറെ സന്തോഷത്തോടെയാണ് ചെയ്യുന്നത്. രജനി സാറിന്റെ വലിയ ആരാധകനാണ് ഞാന്... വലിയ ഫാന്. ഞാന് കഥ പോലും കേട്ടില്ല. രജനി സാറിന്റെ സിനിമയാണ് എന്ന് ലോകേഷ് പറഞ്ഞപ്പോള് ഓക്കേ പറഞ്ഞു,'എന്ന് ആമിര് ഖാന് വ്യക്തമാക്കി.
കൂലിക്ക് പുറമെ ലോകേഷിന്റെ കൈതി 2 എന്ന സിനിമയിലും ആമിര് ഖാന് അഭിനയിക്കുന്നുണ്ട്. കൈതി 2 എന്ന സിനിമയുടെ വര്ക്കുകള് തീരുന്നതിന് പിന്നാലെ അടുത്ത വര്ഷം ഓഗസ്റ്റ്-സെപ്റ്റംബര് മാസങ്ങളിലായി ഈ സിനിമയുടെ ചിത്രീകരണം ആരംഭിക്കുമെന്ന് ആമിര് കഴിഞ്ഞ ദിവസം അറിയിച്ചിരുന്നു.
കൂലി ആഗസ്റ്റ് 14നാണ് തിയേറ്ററുകളിലെത്തുന്നത്. രജനികാന്തും ലോകേഷ് കനകരാജും ആദ്യമായി ഒന്നിക്കുന്ന ചിത്രമാണ് കൂലി. സണ് പിക്ചേഴ്സിന്റെ ബാനറില് കലാനിധി മാരനാണ് കൂലിയുടെ നിര്മ്മാണം.
LATEST NEWS
- ‘പാലക്കാട് ജയിച്ചാല് മമ്മൂട്ടിയെ കൊണ്ടുവരാമെന്ന വാഗ്ദാനം പിഷാരടി നൽകിയിട്ടുണ്ട്; പക്ഷേ രണ്ടാമത്തെ ഉറപ്പ് പറയാൻ എനിക്ക് ലജ്ജയുണ്ട്...’ ശാരദക്കുട്ടി
- ' അഭിമാനം നല്കുന്ന നിമിഷങ്ങള്, ആവേശത്തോടെ കൈയടിക്കാന് തോന്നി' ; ' ധുരന്ധര് 2' നെ പ്രശംസിച്ച് അല്ലു അര്ജുന്
- ‘‘കൈ കോടുത്ത്...കൈ വീശി...കൈ അടിച്ച്...കൈ കോർത്ത്...കൈ കൂപ്പി....’’ പ്രചരണത്തിലെ റോഡ് ഷോ ദൃശ്യങ്ങള് പങ്കിട്ട് രമേഷ് പിഷാരടി; പിഷാ‘റെഡി’യെന്ന് കമന്റ്
- ‘അനുവാദമില്ലാതെ ഹിന്ദി പതിപ്പ് ഇറക്കി; മൊഴിമാറ്റിയതിനെക്കുറിച്ച് യാതൊരു അറിവുമില്ല; അശ്ലീലമാണെന്ന് അറിഞ്ഞപ്പോള് പ്രതിഷേധമറിയിച്ചു...’ വിവാദത്തിൽ പ്രതികരിച്ച് നോറ ഫത്തേഹി
- നെല്സന്റെ സിനിമയില് കാമിയോ റോള് ചെയ്യാന് തയ്യാറാണ്; ട്രോളുകള് വാങ്ങിക്കൂട്ടി ലെജന്ഡ് ശരവണ
