തമിഴ് സംവിധായകന് വിക്രം സുകുമാരന് അന്തരിച്ചു
ചെന്നൈ: പ്രശസ്ത തമിഴ് സംവിധായകന് വിക്രം സുകുമാരന് അന്തരിച്ചു. 47 വയസ്സായിരുന്നു. ഹൃദയാഘാതത്തെത്തുടര്ന്നായിരുന്നു അന്ത്യം. മധുരയില് നിന്നും ചെന്നൈയിലേക്കുളള ബസ് യാത്രയ്ക്കിടെ നെഞ്ചുവേദന അനുഭവപ്പെടുകയായിരുന്നു. ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
പ്രശസ്ത സംവിധായകനും ഛായാഗ്രാഹകനുമായ ബാലു മഹേന്ദ്രയുടെ സഹായിയായാണ് വിക്രം സുകുമാരന് സിനിമയിലെത്തിയത്. ജൂലി ഗണപതി അടക്കം ബാലു മഹേന്ദ്രയുടെ നിരവധി സനിമകളില് വിക്രം സുകുമാരന് അസിസ്റ്റന്റായി ജോലി ചെയ്തിട്ടുണ്ട്.
മദയാനക്കൂട്ടം, രാവണക്കൂട്ടം എന്നിവയാണ് വിക്രം സുകുമാരന്റെ ശ്രദ്ധേയ സിനിമകള്. തെക്കന് തമിഴ്നാട്ടിലെ ജാതി സംഘര്ഷങ്ങള് പ്രമേയമാക്കിയ മദയാനക്കൂട്ടം എന്ന സിനിമയാണ് വിക്രം സുകുമാരന് സംവിധാനം ചെയ്ത ആദ്യ ചിത്രം. കതിര്, അഞ്ജു എന്നിവര് പ്രധാന വേഷമിട്ട, 2013ല് പുറത്തിറങ്ങിയ ഈ ചിത്രം ഏറെ നിരൂപകപ്രശംസ നേടിയിരുന്നു.
ശന്തനു ഭാഗ്യരാജ്, പ്രഭു തുടങ്ങിയവര് പ്രധാന വേഷമിട്ട, 2023ല് പുറത്തിറങ്ങിയ രാവണക്കൂട്ടം ആണ് വിക്രം സുകുമാരന്റെ അവസാനം പുറത്തിറങ്ങിയ സിനിമ.
പൊല്ലാതവന്, കൊടിവീരന് എന്നീ സിനിമകളില് അഭിനയിച്ചു. ആടുകളം എന്ന സിനിമയുടെ സംഭാഷണം രചിച്ചതും വിക്രം സുകുമാരനാണ്. മധുരയില് ഒരു നിര്മാതാവിനോട് അടുത്ത സിനിമയുടെ കഥ പറഞ്ഞശേഷം മടങ്ങുമ്പോഴായിരുന്നു നെഞ്ചുവേദന അനുഭവപ്പെടുന്നത്.
LATEST NEWS
- ‘പാലക്കാട് ജയിച്ചാല് മമ്മൂട്ടിയെ കൊണ്ടുവരാമെന്ന വാഗ്ദാനം പിഷാരടി നൽകിയിട്ടുണ്ട്; പക്ഷേ രണ്ടാമത്തെ ഉറപ്പ് പറയാൻ എനിക്ക് ലജ്ജയുണ്ട്...’ ശാരദക്കുട്ടി
- ' അഭിമാനം നല്കുന്ന നിമിഷങ്ങള്, ആവേശത്തോടെ കൈയടിക്കാന് തോന്നി' ; ' ധുരന്ധര് 2' നെ പ്രശംസിച്ച് അല്ലു അര്ജുന്
- ‘‘കൈ കോടുത്ത്...കൈ വീശി...കൈ അടിച്ച്...കൈ കോർത്ത്...കൈ കൂപ്പി....’’ പ്രചരണത്തിലെ റോഡ് ഷോ ദൃശ്യങ്ങള് പങ്കിട്ട് രമേഷ് പിഷാരടി; പിഷാ‘റെഡി’യെന്ന് കമന്റ്
- ‘അനുവാദമില്ലാതെ ഹിന്ദി പതിപ്പ് ഇറക്കി; മൊഴിമാറ്റിയതിനെക്കുറിച്ച് യാതൊരു അറിവുമില്ല; അശ്ലീലമാണെന്ന് അറിഞ്ഞപ്പോള് പ്രതിഷേധമറിയിച്ചു...’ വിവാദത്തിൽ പ്രതികരിച്ച് നോറ ഫത്തേഹി
- നെല്സന്റെ സിനിമയില് കാമിയോ റോള് ചെയ്യാന് തയ്യാറാണ്; ട്രോളുകള് വാങ്ങിക്കൂട്ടി ലെജന്ഡ് ശരവണ
