എപിജെ അബ്ദുല് കലാമിന്റെ ജീവിതം സിനിമയാകുന്നു; നായകന് ധനുഷ്
മുന് രാഷ്ട്രപതി എപിജെ അബ്ദുല് കലാമിന്റെ ജീവിതം സിനിമയാകുന്നു. നടന് ധനുഷ് ആണ് ചിത്രത്തില് അബ്ദുല് കലാമായി അഭിനയിക്കുന്നത്. ആദിപുരുഷ്, തന്ഹാജി, ലോക്മാന്യ: ഏക് യുഗപുരുഷ് എന്നീ ചിത്രങ്ങളുടെ സംവിധായകന് ഓം റൗട്ടാണ് ചിത്രം സംവിധാനം ചെയ്യുന്നത്. 'കലാം: ദ് മിസൈല് മാന് ഓഫ് ഇന്ത്യ' എന്നാണ് ചിത്രത്തിന്റെ പേര്. ബുധനാഴ്ച കാന് ഫിലിം ഫെസ്റ്റിവലില് വച്ചായിരുന്നു ചിത്രത്തിന്റെ ഔദ്യോഗിക പ്രഖ്യാപനം.
'ഇത്രയും പ്രചോദനാത്മകവും മഹാമനസ്കനുമായ ഒരു നേതാവിന്റെ - നമ്മുടെ സ്വന്തം ഡോ എപിജെ അബ്ദുല് കലാം സാറിന്റെ ജീവിതം അവതരിപ്പിക്കാന് കഴിഞ്ഞതില് ഞാന് വളരെ അനുഗ്രഹീതനാണെന്നാണ്' ചിത്രത്തിന്റെ ടൈറ്റില് പോസ്റ്റര് പങ്കുവച്ച് ധനുഷ് കുറിച്ചത്. സായ്വെന് ക്യൂദ്രാസ് ആണ് തിരക്കഥ രചിക്കുന്നത്.
'രാമേശ്വരത്ത് നിന്ന് രാഷ്ട്രപതി ഭവനിലേക്ക്. ഒരു ഇതിഹാസത്തിന്റെ യാത്ര ആരംഭിക്കുന്നു', എന്ന ക്യാപ്ഷനോടെയാണ് നിര്മാതാക്കള് പോസ്റ്റര് പങ്കുവെച്ചത്. തമിഴ്, ഹിന്ദി, തെലുങ്ക് തുടങ്ങിയ ഭാഷകളിലാണ് സിനിമ പുറത്തിറങ്ങുക.
അഭിഷേക് അഗര്വാള് ആര്ട്സ്, എകെ എന്റര്ടെയ്ന്മെന്റ്സ്, ടി സീരിസിന്റെ ബാനറില് അഭിഷേക് അഗര്വാള്, അനില് ശുങ്കര, ഭൂഷണ് കുമാര്, കൃഷ്ണന് കുമാര് എന്നിവര് ചേര്ന്നാണ് ചിത്രം നിര്മിക്കുന്നത്.
LATEST NEWS
- ' നിങ്ങളുടെ വാക്കുകള് എന്നെ സ്പര്ശിക്കുകയും ആവേശം നല്കുകയും ചെയ്തു' ; അല്ലു അര്ജുന് മറുപടിയുമായി മാധവന്
- ‘പാലക്കാട് ജയിച്ചാല് മമ്മൂട്ടിയെ കൊണ്ടുവരാമെന്ന വാഗ്ദാനം പിഷാരടി നൽകിയിട്ടുണ്ട്; പക്ഷേ രണ്ടാമത്തെ ഉറപ്പ് പറയാൻ എനിക്ക് ലജ്ജയുണ്ട്...’ ശാരദക്കുട്ടി
- ' അഭിമാനം നല്കുന്ന നിമിഷങ്ങള്, ആവേശത്തോടെ കൈയടിക്കാന് തോന്നി' ; ' ധുരന്ധര് 2' നെ പ്രശംസിച്ച് അല്ലു അര്ജുന്
- ‘‘കൈ കോടുത്ത്...കൈ വീശി...കൈ അടിച്ച്...കൈ കോർത്ത്...കൈ കൂപ്പി....’’ പ്രചരണത്തിലെ റോഡ് ഷോ ദൃശ്യങ്ങള് പങ്കിട്ട് രമേഷ് പിഷാരടി; പിഷാ‘റെഡി’യെന്ന് കമന്റ്
- ‘അനുവാദമില്ലാതെ ഹിന്ദി പതിപ്പ് ഇറക്കി; മൊഴിമാറ്റിയതിനെക്കുറിച്ച് യാതൊരു അറിവുമില്ല; അശ്ലീലമാണെന്ന് അറിഞ്ഞപ്പോള് പ്രതിഷേധമറിയിച്ചു...’ വിവാദത്തിൽ പ്രതികരിച്ച് നോറ ഫത്തേഹി
