‘‘മെയ് 12, ജീവിതത്തിലെ ഒരു സുപ്രധാന ദിവസം; അച്ഛന്റെ ജന്മദിനം; ഒപ്പം 25 വർഷം മുമ്പ് മിസ്സ് യൂണിവേഴ്സ് നേടിയ ദിനവും...’’ വൈകാരിക കുറിപ്പുമായി ലാറ ദത്ത
ബോളിവുഡില് ഒരു കാലത്ത് നിറഞ്ഞു നിന്നിരുന്ന അഭിനേത്രിയാണ് ലാറ ദത്ത. മോഡലിംഗിലൂടെ കരിയര് തുടങ്ങിയ താരം മിസ് യൂണിവേഴ്സ് കിരീടം നേടിയതോടെയാണ് ആദ്യം ആരാധകരുടെ മനസ്സിലിടം നേടിയത്. പിന്നീട് ബോളിവുഡിലെ മുന്നിര താരങ്ങളുടെ നായികയായി. മികച്ച അഭിനയത്തിലൂടെ പ്രേക്ഷകപ്രീതി നേടാനും ലാറയ്ക്ക് കഴിഞ്ഞിരുന്നു. ബിഗ് സ്ക്രീനില് വൈവിധ്യമാര്ന്ന വേഷങ്ങള് ചെയ്താണ് ലാറ ശ്രദ്ധിക്കപ്പെട്ടത്.
വിവാഹത്തോടെ സിനിമയില് നിന്ന് ഇടവേളയെടുത്ത താരം മുൻ ഇന്ത്യൻ ടെന്നീസ് താരവുമായ മഹേഷ് ഭൂപതിക്കും മകൾ സൈറയ്ക്കുമൊപ്പം ജീവിതം ആസ്വദിക്കുകയാണ്.
ഇപ്പോഴിതാ താന് മിസ് യൂണിവേഴ്സ് കിരീടം നേടിയിട്ട് 25 വര്ഷം പൂര്ത്തിയാക്കിയ സന്തോഷം പങ്കിടുകയാണ് ലാറ. ഒപ്പം തന്റെ അച്ഛന്റെ ജന്മദിനം കൂടിയായ ദിവസം അച്ഛനു വേണ്ടി ചെയ്യുന്ന പൂജയെക്കുറിച്ചും ലാറ പങ്കിടുന്നു.
‘‘ഇന്നലെ റോളർ കോസ്റ്റർ വികാരങ്ങളുടെ ഒരു ദിവസമായിരുന്നു... മെയ് 12... എന്റെ ജീവിതത്തിലെ ഒരു സുപ്രധാന ദിവസം...എന്റെ അച്ഛന്റെ ജന്മദിനം മാത്രമല്ല, 25 വർഷം മുമ്പ് ഞാൻ മിസ്സ് യൂണിവേഴ്സ് നേടിയ ദിവസവുമാണിന്ന്... തീർച്ചയായും സമയം പറക്കുന്നു... എന്റെ അച്ഛന്റെ ജീവിതം ആഘോഷിക്കാൻ ഒരു പൂജയോടെ ഇന്നലെ ദിവസം അടയാളപ്പെടുത്തി... ജീവിതം എത്ര ക്ഷണികവും ദുർബലവുമാണെന്ന് നന്നായി അറിയാവുന്നതിനാൽ, പ്രപഞ്ചം നമുക്ക് നൽകുന്ന സമ്മാനങ്ങളെ അംഗീകരിക്കുകയും നന്ദിയുള്ളവരായിരിക്കുകയും ചെയ്യേണ്ടത് പ്രധാനമാണ്...കഴിഞ്ഞ 25 വർഷമായി നിങ്ങൾ നൽകിയ സ്നേഹത്തിനും സഹവർത്തിത്വത്തിനും നന്ദി...’’ എന്ന് കുറിച്ചാണ് അച്ഛനു വേണ്ടിയുള്ള പൂജയുടെ ചിത്രങ്ങളടക്കം താരം പങ്കുവച്ചത്. ഒപ്പം ത്രോബാക്ക് ചിത്രങ്ങളാണ് മിസ് യൂണിവേഴ്സ് വേദി, അച്ഛനൊപ്പമുള്ള ചിത്രങ്ങള് എന്നിവയും ലാറ പങ്കുവച്ചിട്ടുണ്ട്.
ഇന്ത്യൻ ചർമ്മത്തിന് വേണ്ടി പ്രത്യേകം നിർമ്മിച്ച ഒരു സ്കിൻകെയർ ബ്രാൻഡായ ഏരിയാസ് ലാറ ആരംഭിച്ചു. ഒരു സ്ഥാപക എന്ന നിലയിൽ, അവർ ബ്രാൻഡ് ഇമേജും അതിന്റെ സാമ്പത്തിക വളർച്ചയും നിലനിർത്തുന്നു. മിസ് ദിവയ്ക്കായി യുവതികളെ മെന്റർമാരായി നിയമിക്കുകയും ആഗോള വേദിയിലേക്ക് അവരെ പരിശീലിപ്പിക്കുകയും ചെയ്യുക, സർട്ടിഫൈഡ് യോഗ പരിശീലകയായ ലാറ തന്റെ സോഷ്യൽ മീഡിയയിലൂടെ ക്ഷേമം പ്രോത്സാഹിപ്പിക്കുക എന്നതൊക്കെയാണ് ലാറയുടെ ഇപ്പോഴത്തെ തിരക്കുകള്. ഗർഭിണികളെ സഹായിക്കുന്നതിനായി അവർ ഒരു പ്രീനെറ്റൽ യോഗ ഡിവിഡിയും പുറത്തിറക്കിയിട്ടുണ്ട്. ഒപ്പം ഭീഗി ബസന്തി എന്ന നിര്മ്മാണ കമ്പനിയും ലാറ സ്ഥാപിച്ചു. ചലോ ദില്ലി എന്ന ഹിന്ദി ചിത്രം താരം നിർമ്മിച്ചിട്ടുണ്ട്.
LATEST NEWS
- ' നിങ്ങളുടെ വാക്കുകള് എന്നെ സ്പര്ശിക്കുകയും ആവേശം നല്കുകയും ചെയ്തു' ; അല്ലു അര്ജുന് മറുപടിയുമായി മാധവന്
- ‘പാലക്കാട് ജയിച്ചാല് മമ്മൂട്ടിയെ കൊണ്ടുവരാമെന്ന വാഗ്ദാനം പിഷാരടി നൽകിയിട്ടുണ്ട്; പക്ഷേ രണ്ടാമത്തെ ഉറപ്പ് പറയാൻ എനിക്ക് ലജ്ജയുണ്ട്...’ ശാരദക്കുട്ടി
- ' അഭിമാനം നല്കുന്ന നിമിഷങ്ങള്, ആവേശത്തോടെ കൈയടിക്കാന് തോന്നി' ; ' ധുരന്ധര് 2' നെ പ്രശംസിച്ച് അല്ലു അര്ജുന്
- ‘‘കൈ കോടുത്ത്...കൈ വീശി...കൈ അടിച്ച്...കൈ കോർത്ത്...കൈ കൂപ്പി....’’ പ്രചരണത്തിലെ റോഡ് ഷോ ദൃശ്യങ്ങള് പങ്കിട്ട് രമേഷ് പിഷാരടി; പിഷാ‘റെഡി’യെന്ന് കമന്റ്
- ‘അനുവാദമില്ലാതെ ഹിന്ദി പതിപ്പ് ഇറക്കി; മൊഴിമാറ്റിയതിനെക്കുറിച്ച് യാതൊരു അറിവുമില്ല; അശ്ലീലമാണെന്ന് അറിഞ്ഞപ്പോള് പ്രതിഷേധമറിയിച്ചു...’ വിവാദത്തിൽ പ്രതികരിച്ച് നോറ ഫത്തേഹി
