' എല്ലാ സ്നേഹത്തിനും നന്ദി' ; തുടരും 200 കോടി ക്ലബ്ബില്- സന്തോഷം പങ്കുവെച്ച് മോഹന്ലാല്
മോഹന്ലാല്-തരുണ് മൂര്ത്തി ചിത്രം തുടരും 200 കോടി ക്ലബ്ബില്. മോഹന്ലാല് ആണ് ഔദ്യോഗികമായി ഇക്കാര്യം അറിയിച്ചിരിക്കുന്നത്. റിലീസ് ചെയ്ത് 17 ദിവസം കൊണ്ടാണ് ചിത്രം നേട്ടം സ്വന്തമാക്കിയിരിക്കുന്നത്.
'ചില യാത്രകള്ക്ക് ആരവങ്ങളല്ല വേണ്ടത്, മുന്നോട്ട് കൊണ്ടുപോകാനുള്ള മനസ് മാത്രം. കേരളത്തിലെ എല്ലാ ബോക്സ് ഓഫീസ് റെക്കോര്ഡുകളും തകര്ത്തുകൊണ്ട് ലോകമെമ്പാടുമുള്ള ദശലക്ഷക്കണക്കിന് ഹൃദയങ്ങളില് തുടരും അതിന്റെ സ്ഥാനം കണ്ടെത്തി. എല്ലാ സ്നേഹത്തിനും നന്ദി', എന്നാണ് 200 കോടി സന്തോഷം പങ്കുവച്ച് മോഹന്ലാല് കുറിച്ചത്.
തുടര്ച്ചയായി രണ്ടാം തവണയാണ് മോഹന്ലാല് ചിത്രം 200 കോടി ക്ലബ്ബിലെത്തുന്നത്. എമ്പുരാന് ആയിരുന്നു നേരത്തെ 200 കോടി തൊട്ട മോഹന്ലാല് ചിത്രം.
സൗദി വെളളയ്ക്ക് എന്ന ചിത്രത്തിന് ശേഷം തരുണ് മൂര്ത്തി സംവിധാനം ചെയ്ത തുടരുവില് ശോഭന ആണ് നായിക. മോഹന്ലാല്, ശോഭന എന്നിവര്ക്കൊപ്പം ഫര്ഹാന് ഫാസില്, മണിയന്പിളള രാജു, ബിനു പപ്പു, നന്ദു ഇര്ഷാദ്, ചാന്ദിനി ബൈജു തുടങ്ങി നിരവധി താരങ്ങള് അഭിനയിച്ചിട്ടുണ്ട്. രജപുത്രയുടെ ബാനറില് എം രഞ്ജിത്ത് ആണ് തുടരും നിര്മിച്ചത്.
LATEST NEWS
- ' നിങ്ങളുടെ വാക്കുകള് എന്നെ സ്പര്ശിക്കുകയും ആവേശം നല്കുകയും ചെയ്തു' ; അല്ലു അര്ജുന് മറുപടിയുമായി മാധവന്
- ‘പാലക്കാട് ജയിച്ചാല് മമ്മൂട്ടിയെ കൊണ്ടുവരാമെന്ന വാഗ്ദാനം പിഷാരടി നൽകിയിട്ടുണ്ട്; പക്ഷേ രണ്ടാമത്തെ ഉറപ്പ് പറയാൻ എനിക്ക് ലജ്ജയുണ്ട്...’ ശാരദക്കുട്ടി
- ' അഭിമാനം നല്കുന്ന നിമിഷങ്ങള്, ആവേശത്തോടെ കൈയടിക്കാന് തോന്നി' ; ' ധുരന്ധര് 2' നെ പ്രശംസിച്ച് അല്ലു അര്ജുന്
- ‘‘കൈ കോടുത്ത്...കൈ വീശി...കൈ അടിച്ച്...കൈ കോർത്ത്...കൈ കൂപ്പി....’’ പ്രചരണത്തിലെ റോഡ് ഷോ ദൃശ്യങ്ങള് പങ്കിട്ട് രമേഷ് പിഷാരടി; പിഷാ‘റെഡി’യെന്ന് കമന്റ്
- ‘അനുവാദമില്ലാതെ ഹിന്ദി പതിപ്പ് ഇറക്കി; മൊഴിമാറ്റിയതിനെക്കുറിച്ച് യാതൊരു അറിവുമില്ല; അശ്ലീലമാണെന്ന് അറിഞ്ഞപ്പോള് പ്രതിഷേധമറിയിച്ചു...’ വിവാദത്തിൽ പ്രതികരിച്ച് നോറ ഫത്തേഹി
