അതിര്ത്തി സംസ്ഥാനങ്ങളായ രാജസ്ഥാനിലും പഞ്ചാബിലും കനത്ത ജാഗ്രത ; സൈന്യം പൂര്ണ്ണമായും സജ്ജം
ന്യൂഡല്ഹി: പഹല്ഗാം ഭീകരാക്രമണത്തിന് പ്രതികാരമായി പാക്കിസ്ഥാനിലും പാക് അധീന കശ്മീരിലും ഭീകരകേന്ദ്രങ്ങളില് ഇന്ത്യ നടത്തിയ മിസൈല് ആക്രമണത്തിന് ഒരു ദിവസം പിന്നിടുമ്പോള് അതിര്ത്തി സംസ്ഥാനങ്ങളായ രാജസ്ഥാനിലും പഞ്ചാബിലും കനത്ത ജാഗ്രത. പാകിസ്ഥാന് ഭാഗത്ത് നിന്ന് ഏതെങ്കിലും തരത്തിലുള്ള ആക്രമണസാധ്യതകള് മുന്നില് കണ്ട് പ്രാദേശിക അധികാരികളും വലിയ തയ്യാറെടുപ്പാണ്.
എല്ലാ പോലീസ് ഉദ്യോഗസ്ഥരുടെയും അവധികള് റദ്ദാക്കുകയും പൊതുസമ്മേളനങ്ങള് നിയന്ത്രിക്കുകയും സഞ്ചാരികള്ക്ക് കടുത്ത നിയന്ത്രണം ഏര്പ്പെടുത്തേക്കിയേക്കുമെന്നുമാണ് വിവരം. പാക്കിസ്ഥാനുമായി 1037 കിലോമീറ്റര് അതിര്ത്തി പങ്കിടുന്ന രാജസ്ഥാന് അതീവ ജാഗ്രതയിലാണ്. അതിര്ത്തി പൂര്ണ്ണമായി അടച്ചു. ഇന്ത്യന് വ്യോമസേന അതീവ ജാഗ്രതയിലാണ്. സംശയാസ്പദമായ എന്തെങ്കിലും പ്രവര്ത്തനങ്ങള് ശ്രദ്ധയില്പ്പെട്ടാല് അതിര്ത്തി സുരക്ഷാ സേനാംഗങ്ങള്ക്ക് ഷൂട്ട് ചെയ്യാന് നിര്ദ്ദേശം നല്കിയിട്ടുണ്ട്.
പടിഞ്ഞാറന് സെക്ടറില് യുദ്ധവിമാനങ്ങള് പട്രോളിംഗ് നടത്തുന്നതിനാല് ജോധ്പൂര്, കിഷന്ഗഡ്, ബിക്കാനീര് വിമാനത്താവളങ്ങളില് നിന്നുള്ള വിമാനങ്ങള് മെയ് 9 വരെ നിര്ത്തിവച്ചു. ജമ്മു കശ്മീരില് നിയന്ത്രണങ്ങള് തുടരും. വിദ്യാഭ്യാസ സ്ഥാപനങ്ങള്ക്ക് ഇന്നും അവധിയാണ്. ശ്രീനഗര് വിമാനത്താവളം ഇന്നും തുറക്കില്ല. ജമ്മു കശ്മീരില് കണ്ട്രോള് റൂമുകള് തുറന്നിട്ടുണ്ട്. അതിര്ത്തി സംസ്ഥാനങ്ങളില് പ്രത്യേക നിരീക്ഷണമേര്പ്പെടുത്തിയിട്ടുണ്ട്. ഏത് സാഹചര്യവും നേരിടാന് കര നാവിക വ്യോമ സേനകള് സജ്ജമാണ്.
LATEST NEWS
- അപ്പനും മകനുമെത്തി കേരളാ നിയമസഭയില് പുതുചരിത്രം പിറക്കും ; പൂഞ്ഞാറില് താനും പാലായില് മകനും ജയിക്കുമെന്ന് പി.സി. ജോര്ജ്ജ്
- പൊലീസുകാരന്റെ വീടിന് നേര്ക്ക് ബോംബെറിഞ്ഞ കേസ്: 2 ആര്എസ്എസ് പ്രവര്ത്തകര് അറസ്റ്റില്
- സംസ്ഥാനത്ത് ചാഞ്ചാടി സ്വര്ണവില, ഇന്ന് ഒറ്റയടിക്ക് കുറഞ്ഞത് 2160 രൂപ; ഒരു ലക്ഷത്തിന് മുകളില് തന്നെ
- കോര്പ്പറേഷന് പിന്നാലെ നിയമസഭാ സീറ്റും ബിജെപി നേടും ; തിരുവനന്തപുരം നഗരത്തിന്റെ വികസനം ത്വരിതപ്പെടുത്തും
- കേന്ദ്രം ഒന്നും നല്കുന്നില്ലെന്ന ആവലാതി ; 311 കോടി അനുവദിച്ചിട്ടും കേരളം വാങ്ങിയില്ല ; കേന്ദ്രധനമന്ത്രി നിര്മ്മലാസീതാരാമന്
