ഭീകരതയ്ക്ക് എവിടെയും നിലനില്ക്കാന് അവാകശമില്ല, നമ്മുടെ സായുധ സേനയ്ക്ക് സല്യൂട്ട്; പ്രശംസിച്ച് പൃഥ്വിരാജ്
പഹല്ഗാം ഭീകരാക്രമണത്തിന് മറുപടിയായി ഇന്ത്യ പാക്കിസ്ഥാന് നല്കിയ തിരിച്ചടിയെ പ്രശംസിച്ച് പൃഥ്വിരാജ്. ‘ഭീകരതയ്ക്ക് എവിടെയും നിലനില്ക്കാന് അവകാശമില്ല. നമ്മുടെ സായുധ സേനയ്ക്ക് സല്യൂട്ട്. ജയ്ഹിന്ദ്’ - എന്നാണ് പൃഥ്വിരാജ് ഇന്സ്റ്റഗ്രാം സ്റ്റോറിയായി കുറിച്ചിരിക്കുന്നത്.
ഇന്ന് പുലര്ച്ചെ ആയിരുന്നു പഹല്ഗാം ഭീകരാക്രമണത്തിന് തിരിച്ചടിയായി പാകിസ്താന് ഭീകര കേന്ദ്രങ്ങള് ഇന്ത്യ ആക്രമിച്ചത്. 'ഓപ്പറേഷന് സിന്ദൂര്' എന്ന് പേരിട്ട സൈനിക ആക്രമണത്തില് പാക് അധീന കശ്മീരിലെ ഒന്പത് ഭീകര കേന്ദ്രങ്ങള് തകര്ത്തായിരുന്നു ഇന്ത്യയുടെ തിരിച്ചടി. ജയ്ഷെ ഇ മുഹമ്മദ്, ലഷ്കര് ഇ ത്വയിബ ഭീകരകേന്ദ്രങ്ങള്, പ്രധാനപ്പെട്ട പ്രസ്ഥാനങ്ങള് എന്നിവ ലക്ഷ്യമിട്ടാണ് സേനകള് ഓപ്പറേഷന് നടത്തിയത്. കൃത്യതയുള്ള ആയുധങ്ങള് ഉപയോഗിച്ചായിരുന്നു ഓപ്പറേഷന്. ഫ്രാന്സ് നിര്മിത സ്കാല്പ് മിസൈലുകള്, ക്രൂയിസ് മിസൈലുകള് എന്നിവ ഇതിനായി സേനകള് ഉപയോഗിച്ചു.
രഹസ്യാന്വേഷണ വിഭാഗങ്ങള് ഈ കേന്ദ്രങ്ങളെക്കുറിച്ചുള്ള വിവരങ്ങള് മുന്പുതന്നെ ശേഖരിച്ചിരുന്നു. തുടര്ന്ന് മൂന്ന് സേനകള്ക്കും ഈ വിവരം കൈമാറി. ശേഷമാണ് സേനകള് സംയുക്തമായി ആക്രമണ പദ്ധതികള് തയ്യാറാക്കിയതും ആക്രമിച്ചതും. ഒമ്പത് കേന്ദ്രങ്ങളിലായി ഒമ്പത് മിസൈലുകളാണ് ഒരേ സമയം ഇന്ത്യ വര്ഷിച്ചത്. ഇതോടെ കനത്ത ആഘാതം ഭീകരര്ക്കുനേരെ ഉണ്ടാവുകയായിരുന്നു.
LATEST NEWS
- ' നിങ്ങളുടെ വാക്കുകള് എന്നെ സ്പര്ശിക്കുകയും ആവേശം നല്കുകയും ചെയ്തു' ; അല്ലു അര്ജുന് മറുപടിയുമായി മാധവന്
- ‘പാലക്കാട് ജയിച്ചാല് മമ്മൂട്ടിയെ കൊണ്ടുവരാമെന്ന വാഗ്ദാനം പിഷാരടി നൽകിയിട്ടുണ്ട്; പക്ഷേ രണ്ടാമത്തെ ഉറപ്പ് പറയാൻ എനിക്ക് ലജ്ജയുണ്ട്...’ ശാരദക്കുട്ടി
- ' അഭിമാനം നല്കുന്ന നിമിഷങ്ങള്, ആവേശത്തോടെ കൈയടിക്കാന് തോന്നി' ; ' ധുരന്ധര് 2' നെ പ്രശംസിച്ച് അല്ലു അര്ജുന്
- ‘‘കൈ കോടുത്ത്...കൈ വീശി...കൈ അടിച്ച്...കൈ കോർത്ത്...കൈ കൂപ്പി....’’ പ്രചരണത്തിലെ റോഡ് ഷോ ദൃശ്യങ്ങള് പങ്കിട്ട് രമേഷ് പിഷാരടി; പിഷാ‘റെഡി’യെന്ന് കമന്റ്
- ‘അനുവാദമില്ലാതെ ഹിന്ദി പതിപ്പ് ഇറക്കി; മൊഴിമാറ്റിയതിനെക്കുറിച്ച് യാതൊരു അറിവുമില്ല; അശ്ലീലമാണെന്ന് അറിഞ്ഞപ്പോള് പ്രതിഷേധമറിയിച്ചു...’ വിവാദത്തിൽ പ്രതികരിച്ച് നോറ ഫത്തേഹി
