നിറവയറുമായി കിയാര, പിന്തുടര്ന്ന് പാപ്പരാസികള്, അല്പ്പം മര്യാദയോടെ പെരുമാറൂവെന്ന് സിദ്ധാര്ഥ് മല്ഹോത്ര; വീഡിയോ
തങ്ങളുടെ ആദ്യത്തെകുഞ്ഞിനെ വരവേല്ക്കാന് ഒരുങ്ങുകയാണ് ബോളിവുഡ് താരദമ്പതികളായ കിയാര അദ്വാനിയും സിദ്ധാര്ഥ് മല്ഹോത്രയും. ഇതിന്റെ ഭാഗമായുളള പരിശോധനയ്ക്കായി ബുധനാഴ്ച വൈകീട്ട് ഇരുവരും ഒരു ക്ലിനിക്കിലെത്തിയിരുന്നു. ഒരുസംഘം പാപ്പരാസികളും താരദമ്പതിമാരെ പിന്തുടര്ന്ന് ഇവിടെ എത്തിയിരുന്നു.
എന്നാല് പാപ്പരാസികളുടെ പിന്തുടരല് സിദ്ധാര്ഥിനെ അസ്വസ്ഥനാക്കിയിരുന്നു. അദ്ദേഹം ഇത് പരസ്യമായി പ്രകടിപ്പിക്കുകയും പാപ്പരാസികളോട് കയര്ത്ത് സംസാരിക്കുകയും ചെയ്തു. ഇതിന്റെ ദൃശ്യങ്ങളാണിപ്പോള് സോഷ്യല് മീഡിയയില് വൈറലായിരിക്കുന്നത്.
നിങ്ങള് ഇനിയെങ്കിലും അല്പ്പം മര്യാദയോടെ പെരുമാറണം, ഒരു നിമിഷം പുറകോട്ട് നില്ക്കൂ. മര്യാദയ്ക്ക് പെരുമാറൂ എന്നെ ദേഷ്യം പിടിപ്പിക്കാന് നങ്ങള് ആഗ്രഹിക്കുന്നുണ്ടോ? മര്യാദയ്ക്ക് പെരുമാറൂ എന്നാണ് സിദ്ധാര്ഥ് പാപ്പരാസികളോട് പറയുന്നത്. സിദ്ധാര്ഥ് മാസ്ക് ധരിച്ചുകൊണ്ട് ഇക്കാര്യങ്ങള് പറയുന്നത് വീഡിയോയില് കാണാം.
ഫെബ്രുവരി 28-നാണ് കിയാരയും സിദ്ധാര്ഥും തങ്ങള്ക്ക് കുഞ്ഞ് ജനിക്കാന് പോകുന്നുവെന്ന വിവരം ലോകത്തെ അറിയിച്ചത്. ഞങ്ങളുടെ ജീവിതത്തിലെ ഏറ്റവും മഹത്തായ സമ്മാനം എന്നാണ് ഇന്സ്റ്റഗ്രാം പോസ്റ്റില് കിയാര കുറിച്ചത്. ഇരുവരും കയ്യില് ഒരുജോഡി കുഞ്ഞുസോക്സുകള് പിടിച്ച ചിത്രമാണ് ഒപ്പമുണ്ടായിരുന്നത്. 2023 ഫെബ്രുവരി ഏഴിനാണ് കിയാരയും സിദ്ധാര്ഥും വിവാഹിതരായത്.
LATEST NEWS
- ' നിങ്ങളുടെ വാക്കുകള് എന്നെ സ്പര്ശിക്കുകയും ആവേശം നല്കുകയും ചെയ്തു' ; അല്ലു അര്ജുന് മറുപടിയുമായി മാധവന്
- ‘പാലക്കാട് ജയിച്ചാല് മമ്മൂട്ടിയെ കൊണ്ടുവരാമെന്ന വാഗ്ദാനം പിഷാരടി നൽകിയിട്ടുണ്ട്; പക്ഷേ രണ്ടാമത്തെ ഉറപ്പ് പറയാൻ എനിക്ക് ലജ്ജയുണ്ട്...’ ശാരദക്കുട്ടി
- ' അഭിമാനം നല്കുന്ന നിമിഷങ്ങള്, ആവേശത്തോടെ കൈയടിക്കാന് തോന്നി' ; ' ധുരന്ധര് 2' നെ പ്രശംസിച്ച് അല്ലു അര്ജുന്
- ‘‘കൈ കോടുത്ത്...കൈ വീശി...കൈ അടിച്ച്...കൈ കോർത്ത്...കൈ കൂപ്പി....’’ പ്രചരണത്തിലെ റോഡ് ഷോ ദൃശ്യങ്ങള് പങ്കിട്ട് രമേഷ് പിഷാരടി; പിഷാ‘റെഡി’യെന്ന് കമന്റ്
- ‘അനുവാദമില്ലാതെ ഹിന്ദി പതിപ്പ് ഇറക്കി; മൊഴിമാറ്റിയതിനെക്കുറിച്ച് യാതൊരു അറിവുമില്ല; അശ്ലീലമാണെന്ന് അറിഞ്ഞപ്പോള് പ്രതിഷേധമറിയിച്ചു...’ വിവാദത്തിൽ പ്രതികരിച്ച് നോറ ഫത്തേഹി
