സാരിയുടുത്ത് പ്ലാവില് കയറി ചക്കയിട്ട് അനുമോള്; വീഡിയോ
കലാമൂല്യമുള്ള നിരവധി ചിത്രങ്ങളിൽ വ്യത്യസ്തമാർന്ന കഥാപാത്രങ്ങളെ അഭിനയിക്കാൻ സാധിച്ച കലാകാരിയാണ് അനുമോൾ. സോഷ്യൽ മീഡിയയിലും ഏറെ സജീവമാണ് താരം. ഇൻസ്റ്റഗ്രാമിൽ അനുമോൾ പങ്കുവച്ച ഒരു വീഡിയോ ആണ് ഇപ്പോൾ ശ്രദ്ധ നേടുന്നത്. സാരിയുടുത്ത് അനായാസമായി പ്ലാവിൽ കയറുകയും ചക്കയിടുകയും ചെയ്യുന്ന ഒരു വീഡിയോ ആണ് അനു പങ്കുവച്ചിരിക്കുന്നത്.
"സാരി എന്റെ കംഫർട്ട് വെയർ ആണെന്ന് ഞാൻ പറയുമ്പോൾ, എന്നെ വിശ്വസിക്കൂ. അതെ, പ്ലാവിലേക്ക് കത്തിയുമായി തൂങ്ങിപ്പിടിച്ചു കയറുമ്പോൾ പോലും! ഗ്രേസും സർവൈവൽ മോഡും മീറ്റ് ചെയ്യുന്നു," എന്നാണ് വീഡിയോയ്ക്ക് അനു നൽകിയ അടിക്കുറിപ്പ്.
പാലക്കാട് സ്വദേശിയായ അനുമോൾ എഞ്ചിനീയർ ബിരുദധാരിയാണ്. കണ്ണുക്കുള്ളെ, രാമാർ തുടങ്ങിയ ചിത്രങ്ങളിലൂടെ തമിഴിലാണ് അനുമോൾ അരങ്ങേറ്റം കുറിച്ചത്. പി ബാലചന്ദ്രന്റെ 'ഇവൻ മേഘരൂപൻ' എന്ന ചിത്രത്തിലൂടെയായിരുന്നു മലയാളത്തിൽ അരങ്ങേറ്റം കുറിച്ചത്.
തുടർന്ന് ചായില്യം, ഇവൻ മേഘരൂപൻ, വെടിവഴിപാട്, അകം, റോക്സ്റ്റാർ, അമീബ, ഞാൻ, ഗോഡ് ഫോർ സെയിൽ, ജമ്നാപ്യാരി, നിലാവറിയാതെ, പദ്മിനി, ഉടലാഴം എന്നിങ്ങനെ ഒരുപിടി നല്ല ചിത്രങ്ങളിൽ ശ്രദ്ധേയമായ കഥാപാത്രങ്ങളെ അവതരിപ്പിച്ചു. യാത്രകൾ ഇഷ്ടപ്പെടുന്ന അനുമോൾ, അനുയാത്ര എന്ന പേരിൽ ഒരു ട്രാവൽ യൂട്യൂബ് ചാനലും ആരംഭിച്ചിട്ടുണ്ട്.
LATEST NEWS
- ' നിങ്ങളുടെ വാക്കുകള് എന്നെ സ്പര്ശിക്കുകയും ആവേശം നല്കുകയും ചെയ്തു' ; അല്ലു അര്ജുന് മറുപടിയുമായി മാധവന്
- ‘പാലക്കാട് ജയിച്ചാല് മമ്മൂട്ടിയെ കൊണ്ടുവരാമെന്ന വാഗ്ദാനം പിഷാരടി നൽകിയിട്ടുണ്ട്; പക്ഷേ രണ്ടാമത്തെ ഉറപ്പ് പറയാൻ എനിക്ക് ലജ്ജയുണ്ട്...’ ശാരദക്കുട്ടി
- ' അഭിമാനം നല്കുന്ന നിമിഷങ്ങള്, ആവേശത്തോടെ കൈയടിക്കാന് തോന്നി' ; ' ധുരന്ധര് 2' നെ പ്രശംസിച്ച് അല്ലു അര്ജുന്
- ‘‘കൈ കോടുത്ത്...കൈ വീശി...കൈ അടിച്ച്...കൈ കോർത്ത്...കൈ കൂപ്പി....’’ പ്രചരണത്തിലെ റോഡ് ഷോ ദൃശ്യങ്ങള് പങ്കിട്ട് രമേഷ് പിഷാരടി; പിഷാ‘റെഡി’യെന്ന് കമന്റ്
- ‘അനുവാദമില്ലാതെ ഹിന്ദി പതിപ്പ് ഇറക്കി; മൊഴിമാറ്റിയതിനെക്കുറിച്ച് യാതൊരു അറിവുമില്ല; അശ്ലീലമാണെന്ന് അറിഞ്ഞപ്പോള് പ്രതിഷേധമറിയിച്ചു...’ വിവാദത്തിൽ പ്രതികരിച്ച് നോറ ഫത്തേഹി
