ക്ഷേത്രോത്സവത്തിനിടെ വീണ്ടും വിപ്ലവഗാനം ആലപിച്ച് അലോഷി, എസ്പിക്ക് പരാതി
തിരുവനന്തപുരം: ആറ്റിങ്ങല് അവനവഞ്ചേരി ഇണ്ടിളയപ്പന് ക്ഷേത്രത്തിലെ ഉത്സവത്തോട് അനുബന്ധിച്ച് നടത്തിയ ഗസല് പരിപാടിയില് വിപ്ലവഗാനം ആലപിച്ചത് വിവാദമായി. ഗസല് ഗായകനായ അലോഷിയുടെ പരിപാടിയിലാണ് അദ്ദേഹം വിപ്ലവഗാനം ആലപിച്ചത്. സംഭവത്തില് നടപടി സ്വീകരിക്കണമെന്ന് ആവശ്യപ്പെട്ട് ബ്ലോക്ക് കോണ്ഗ്രസ് കമ്മിറ്റി ആറ്റിങ്ങല് പോലീസിലും റൂറല് എസ്പിക്കും പരാതി നല്കി. വിപ്ലവഗാനം പാടുമ്പോള് അലോഷിയെ പ്രോത്സാഹിപ്പിക്കാന് പാര്ട്ടി പ്രവര്ത്തകരും ഉണ്ടായിരുന്നതായി പരാതിയില് പറയുന്നു.
കഴിഞ്ഞ ഏഴാം തീയതി ക്ഷേത്രത്തില് ഒരു ഗസല് പ്രോഗ്രാം നടക്കാന് പോകുന്നുവെന്നും അതില് വിപ്ലവഗാനം ആലപിക്കാന് സാധ്യത ഉണ്ടെന്നും കാണിച്ച് കോണ്ഗ്രസ് പൊലീസില് പരാതി നല്കിയിരുന്നു. എന്നാല് അങ്ങനെയൊന്നും സംഭവിക്കില്ലെന്ന് എസ്പി ഉറപ്പുനല്കിയിരുന്നതായും കോണ്ഗ്രസ് പ്രവര്ത്തകര് ആരോപിച്ചു.
കൊല്ലം കടയ്ക്കല് ക്ഷേത്രത്തില് കഴിഞ്ഞ മാസം വിപ്ലവഗാനം ആലപിച്ചതിനെ തുടര്ന്ന് ഹൈക്കോടതിയുടെ നിര്ദ്ദേശാനുസരണം കടക്കല് പൊലീസ് അലോഷിക്കെതിരെ കേസെടുത്തിരുന്നു.
LATEST NEWS
- മഞ്ചേശ്വരത്ത് കെ സുരേന്ദ്രന് അപരൻ; ഡി സുരേന്ദ്രൻ നായർക്ക് പിന്നിൽ കോൺഗ്രസെന്ന് ബിജെപി
- രാജ്യത്തെ ആദ്യ ദയാമരണം: വേദനയില്ലാത്ത ലോകത്തേക്ക് ഹരീഷ് റാണ വിട വാങ്ങി
- ഡെലിവറി ആപ്പുകൾ വഴി സിഗരറ്റ് വിൽക്കുന്നതിന് നിരോധനം ഏർപ്പെടുത്തി കുവൈറ്റ്
- ടുജി സ്പെക്ട്രം അഴിമതി പുറത്തുകൊണ്ടുവന്നതിന്റെ കലിപ്പ് ; 18 വര്ഷമായി കോണ്ഗ്രസ് പുറകേ നടക്കുന്നു, തൊടാനായിട്ടില്ല
- മലപ്പുറത്ത് അമ്മയ്ക്കൊപ്പം ഉറങ്ങിക്കിടന്ന നവജാത ശിശുവിനെ മരിച്ച നിലയില് കണ്ടെത്തി
