എസ്എഫ്ഐഒ കുറ്റപത്രത്തില് തല്ക്കാലം നടപടി വേണ്ട ; ഹര്ജിയില് തീരുമാനമാകട്ടെയെന്ന് ഹൈക്കോടതി
കൊച്ചി: എസ്എഫ്ഐഒ കുറ്റപത്രത്തില് തല്ക്കാലം നടപടി വേണ്ടെന്നും മാസപ്പടിക്കേസില് തല്സ്ഥിതി തുടരാനും ഹൈക്കോടതിയുടെ നിര്ദേശം. സിഎംആര്എല് നല്കിയ ഹര്ജിയിലാണ് ഹൈക്കോടതി ഇടപെടല്. ഹര്ജിയില് തീരുമാനം ആകും വരെ നടപടി വേണ്ട.
രണ്ടുമാസത്തേക്ക് സമന്സ് അയയ്ക്കുന്നത് ഉള്പ്പെടെ നിര്ത്തി വെയ്ക്കാനുമാണ് ഹൈക്കോടതി നല്കിയിരിക്കുന്ന നിര്ദേശം. എറണാകുളം അഡീഷണല് സെഷന്സ് കോടതി ഉത്തരവിനെതിരെ സിഎംആര്എല് ഹൈക്കോടതിയില് എത്തിയിരിക്കുന്നത്. തങ്ങളുടെ ഭാഗം കേള്ക്കാതെയാണ് തീരുമാനമെടുത്തതെന്നായിരുന്നു ഹര്ജിയില് സിഎംആര്എല് വാദിച്ചത്.
എക്സാലോജിക് സിഎംആര്എല് സാമ്പത്തിക ഇടപാടില് എസ്എഫ്ഐഒ അന്വേഷണ റിപ്പോര്ട്ടിലെ സാക്ഷികളുടെ മൊഴിയെടുക്കാന് ഇ.ഡി.യും നീക്കം നടത്തുമ്പോഴാണ് കോടതി ഇടപെടല്.
കേസില് ഇ.ഡി. പ്രധാന സാക്ഷികളുടെ മൊഴിരേഖപ്പെടുത്താനുള്ള നീക്കത്തിലായിരുന്നു. ഇതില് 74 സാക്ഷികളാണ് ഉള്ളത്. നേരത്തേ മാസപ്പടി കേസില് വിജിലന്സ് അന്വേഷണം ആവശ്യപ്പെട്ടുള്ള ഹര്ജികള് ഹൈക്കോടതി തള്ളിയിരുന്നു.
LATEST NEWS
- പ്രചരണം നടത്താതെ കിടന്നുറങ്ങി, പോസ്റ്ററുകൾ പുഴയിൽ ഒഴുക്കി; ചില നേതാക്കൾ ചതിച്ച് തോൽപ്പിച്ചെന്ന് പി കെ ജയലക്ഷ്മി
- മഞ്ചേശ്വരത്ത് കെ സുരേന്ദ്രന് അപരൻ; ഡി സുരേന്ദ്രൻ നായർക്ക് പിന്നിൽ കോൺഗ്രസെന്ന് ബിജെപി
- രാജ്യത്തെ ആദ്യ ദയാമരണം: വേദനയില്ലാത്ത ലോകത്തേക്ക് ഹരീഷ് റാണ വിട വാങ്ങി
- ഡെലിവറി ആപ്പുകൾ വഴി സിഗരറ്റ് വിൽക്കുന്നതിന് നിരോധനം ഏർപ്പെടുത്തി കുവൈറ്റ്
- ടുജി സ്പെക്ട്രം അഴിമതി പുറത്തുകൊണ്ടുവന്നതിന്റെ കലിപ്പ് ; 18 വര്ഷമായി കോണ്ഗ്രസ് പുറകേ നടക്കുന്നു, തൊടാനായിട്ടില്ല
