"അദ്വാനി ജി,97 വയസ്സായി; എപ്പോഴുമെന്ന പോലെ അദ്ദേഹം സുന്ദരൻ; ഏറെ പ്രിയപ്പെട്ട കുടുംബം..." എല്കെ അദ്വാനിയെ സന്ദര്ശിച്ച് സോനു നിഗം, ഒപ്പം ഹൃദയസ്പർശിയായ കുറിപ്പും
ബോളിവുഡിന്റെ സ്വന്തം സോനു നിഗം ആസ്വാദകർക്ക് ഏറെയിഷ്ടമുള്ള ഒരുപാട് മെലഡികൾ സമ്മാനിച്ച ഗായകനാണ്. സോനുവിന്റെ ശബ്ദത്തിൽ കേട്ട ഗാനങ്ങൾക്ക് ഒരു പ്രത്യേക മാനസിക അടുപ്പം സൃഷ്ടിക്കാൻ കഴിഞ്ഞിട്ടുണ്ട്.
സോഷ്യൽ മീഡിയയിലും സജീവമാണ് താരം. എല്ലാ വിശേഷങ്ങളും അതിലൂടെ താരം പങ്കിടാറുണ്ട്.
ഇപ്പോഴിതാ മുതിർന്ന ബിജെപി നേതാവ് എല്കെ അദ്വാനിയെ ഡല്ഹിയിലെ വസതിയിലെത്തി സന്ദർശിച്ച സന്തോഷം പങ്കിടുകയാണ് സോനു നിഗം. അദ്വാനിക്കും മകള് പ്രതിഭയ്ക്കുമൊപ്പമുള്ള ചിത്രങ്ങള് പോസ്റ്റ് ചെയ്ത താരം അദ്വാനി കുടുംബവുമായുള്ള തന്റെ വ്യക്തിപരമായ ബന്ധവും കുറിച്ചിട്ടുണ്ട്.
"റൂട്ട്സ് റീവിസിറ്റഡ് (3/4) - 2025 മാർച്ച് 24. പ്രതിഭ അദ്വാനി, എല് കെ അദ്വാനി ജി എന്നിവർ വളരെക്കാലമായി എന്റെ ജീവിതത്തിന്റെ ഭാഗമാണ്, അതുകൊണ്ടാണ് എന്റെ ഡിടിയു പരിപാടിക്ക് ശേഷം ഒരു ദിവസം കൂടി അവരോടൊപ്പം ഉച്ചഭക്ഷണം കഴിക്കാൻ ഞാൻ തീരുമാനിച്ചത്. എന്റെ അമ്മ സിന്ധികള്ക്കിടയില് വളർന്നതുമുതല്, സിന്ധി ഭക്ഷണം ഞങ്ങളുടെ കുട്ടിക്കാലത്തിന്റെ ഒരു പ്രധാന ഭാഗമാണ്.
പ്രതിഭയ്ക്ക് അത് അറിയാം, അതുകൊണ്ടാണ് ദാല് പക്വാന് പുറമേ അവള് എനിക്ക് വേണ്ടി വളരെ മധുരമായി സിന്ധി കദി പാകം ചെയ്തത്. അദ്വാനി ജി, 97 വയസ്സായി. അദ്ദേഹം എപ്പോഴും ഉണ്ടായിരുന്നതുപോലെ തന്നെ സുന്ദരനാണ്. എന്റെ പ്രിയപ്പെട്ട കുടുംബം..." ചിത്രങ്ങൾക്കൊപ്പം സോനു കുറിച്ചു.
പ്രായഭേദമന്യേ സോനുവിനെ ആരധകർക്കിടയിലെ പ്രിയങ്കരനാക്കി മാറ്റിയ 2012 ൽ ഇറങ്ങിയ അഗ്നിപഥ് സിനിമയിലെ സോനു നിഗം ആലപിച്ച 'അഭി മുജ് മേ കഹിൻ' എന്ന ഗാനത്തിന്റെ ക്ലിപ്പിംഗുകള് എല് കെ അദ്വാനി കാണുന്നതും പോസ്റ്റില് കാണാം.
ഡല്ഹി ടെക്നോളജിക്കല് യൂണിവേഴ്സിറ്റിയുടെ (ഡിടിയു) 'engifest 2025' ല് പരിപാടി അവതരിപ്പിക്കാൻ സോനു നിഗം ഡല്ഹിയിലായിരുന്ന സമയത്താണ് അദ്വാനിയെ സന്ദർശിച്ചത്.
LATEST NEWS
- ' നിങ്ങളുടെ വാക്കുകള് എന്നെ സ്പര്ശിക്കുകയും ആവേശം നല്കുകയും ചെയ്തു' ; അല്ലു അര്ജുന് മറുപടിയുമായി മാധവന്
- ‘പാലക്കാട് ജയിച്ചാല് മമ്മൂട്ടിയെ കൊണ്ടുവരാമെന്ന വാഗ്ദാനം പിഷാരടി നൽകിയിട്ടുണ്ട്; പക്ഷേ രണ്ടാമത്തെ ഉറപ്പ് പറയാൻ എനിക്ക് ലജ്ജയുണ്ട്...’ ശാരദക്കുട്ടി
- ' അഭിമാനം നല്കുന്ന നിമിഷങ്ങള്, ആവേശത്തോടെ കൈയടിക്കാന് തോന്നി' ; ' ധുരന്ധര് 2' നെ പ്രശംസിച്ച് അല്ലു അര്ജുന്
- ‘‘കൈ കോടുത്ത്...കൈ വീശി...കൈ അടിച്ച്...കൈ കോർത്ത്...കൈ കൂപ്പി....’’ പ്രചരണത്തിലെ റോഡ് ഷോ ദൃശ്യങ്ങള് പങ്കിട്ട് രമേഷ് പിഷാരടി; പിഷാ‘റെഡി’യെന്ന് കമന്റ്
- ‘അനുവാദമില്ലാതെ ഹിന്ദി പതിപ്പ് ഇറക്കി; മൊഴിമാറ്റിയതിനെക്കുറിച്ച് യാതൊരു അറിവുമില്ല; അശ്ലീലമാണെന്ന് അറിഞ്ഞപ്പോള് പ്രതിഷേധമറിയിച്ചു...’ വിവാദത്തിൽ പ്രതികരിച്ച് നോറ ഫത്തേഹി
