യു.കെ പാർലമെന്റിൽ ലൈഫ് ടൈം അച്ചീവ്മെന്റ് അവാർഡ് നേടി നടന് ചിരഞ്ജീവി
ന്ത്യൻ സിനിമക്കും സമൂഹത്തിനും വർഷങ്ങളായി നൽകിയ സംഭാവനകളെ മാനിച്ച് നടൻ ചിരഞ്ജീവിയെ യു.കെ പാർലമെന്റിൽ ലൈഫ് ടൈം അച്ചീവ്മെന്റ് അവാർഡ് നൽകി ആദരിച്ചു. യു.കെ ആസ്ഥാനമായുള്ള സംഘടനയായ ബ്രിഡ്ജ് ഇന്ത്യയാണ് സാംസ്കാരിക നേതൃത്വത്തിലൂടെ പൊതുസേവനത്തിലെ മികവിനുള്ള ലൈഫ് ടൈം അച്ചീവ്മെന്റ് അവാർഡ് ചിരഞ്ജീവിക്ക് സമ്മാനിച്ചത്.
'യു.കെ പാർലമെന്റ് ഹൗസ് ഓഫ് കോമൺസിലെ ബഹുമാനപ്പെട്ട അംഗങ്ങൾ, മന്ത്രിമാർ, അണ്ടർ സെക്രട്ടറിമാർ, നയതന്ത്രജ്ഞർ എന്നിവർ നൽകിയ ആദരവിന് ഹൃദയം നിറഞ്ഞ നന്ദി. ടീം ബ്രിഡ്ജ് ഇന്ത്യയുടെ ലൈഫ് ടൈം അച്ചീവ്മെന്റ് അവാർഡിൽ ഹൃദയം നിറഞ്ഞു. വാക്കുകൾ പോരാ, എന്റെ ഓരോ ആരാധകർക്കും, സിനിമാ കുടുംബത്തിനും,അഭ്യുദയകാംക്ഷികൾക്കും, സുഹൃത്തുക്കൾക്കും, എന്റെ കുടുംബാംഗങ്ങൾക്കും ഒപ്പം എന്റെ യാത്രയിൽ സഹകരിച്ച്, മാനുഷിക പ്രവർത്തനങ്ങളിൽ പങ്കെടുത്ത എല്ലാവർക്കും ഹൃദയം നിറഞ്ഞ നന്ദി' - ചിരഞ്ജീവി സമൂഹമാധ്യമത്തിൽ കുറിച്ചു.
സിനിമാ മേഖലക്ക് നൽകിയ സംഭാവനകൾ പരിഗണിച്ചല്ല, സാമൂഹ്യ സേവനങ്ങൾ മുൻനിർത്തിയാണ് ചിരഞ്ജീവിക്ക് പുരസ്കാരം നൽകിയത്. യു.കെ നിയമനിർമാതാക്കളും ബ്രിഡ്ജ് ഇന്ത്യയും ചേർന്ന് നൽകുന്ന അംഗീകാരം ചിരഞ്ജീവിയുടെ കരിയറിലെ മറ്റൊരു സുപ്രധാന നേട്ടമാണ്. 2024-ൽ ചിരഞ്ജീവിയെ ഇന്ത്യയിലെ ഏറ്റവും ഉയർന്ന രണ്ടാമത്തെ സിവിലിയൻ ബഹുമതിയായ പത്മവിഭൂഷൺ നൽകി ആദരിച്ചു.
LATEST NEWS
- ‘എന്താ മോനെ ജയിച്ചു വാ...കൈ പിടിച്ച് ലാലേട്ടന്’; ചിത്രങ്ങള് പങ്കുവെച്ച് രമേഷ് പിഷാരടി
- ചുവന്ന സാരിയ്ക്കൊപ്പം പരമ്പരാഗത ആഭരണങ്ങളും ധരിച്ച് ഗുഡി പട്വയുടെ തിളക്കത്തില് മാധുരി ദീക്ഷിത്; അന്നുമിന്നും ബോളിവുഡ് രാജ്ഞിയെന്ന് കമന്റുകള്
- ' നിങ്ങളുടെ വാക്കുകള് എന്നെ സ്പര്ശിക്കുകയും ആവേശം നല്കുകയും ചെയ്തു' ; അല്ലു അര്ജുന് മറുപടിയുമായി മാധവന്
- ‘പാലക്കാട് ജയിച്ചാല് മമ്മൂട്ടിയെ കൊണ്ടുവരാമെന്ന വാഗ്ദാനം പിഷാരടി നൽകിയിട്ടുണ്ട്; പക്ഷേ രണ്ടാമത്തെ ഉറപ്പ് പറയാൻ എനിക്ക് ലജ്ജയുണ്ട്...’ ശാരദക്കുട്ടി
- ' അഭിമാനം നല്കുന്ന നിമിഷങ്ങള്, ആവേശത്തോടെ കൈയടിക്കാന് തോന്നി' ; ' ധുരന്ധര് 2' നെ പ്രശംസിച്ച് അല്ലു അര്ജുന്
