ബന്ധുവിനെ ചുറ്റികകൊണ്ട് തലയ്ക്കടിച്ച് കൊലപ്പെടുത്തി; പ്രതി അറസ്റ്റില്
കോന്നി : ഭാര്യയെ മര്ദിച്ച ഭര്ത്താവിനെ തടയാന് ശ്രമിച്ച ബന്ധുവിനെ ചുറ്റികകൊണ്ട് തലയ്ക്കടിച്ച് കൊലപ്പെടുത്തി.കോന്നിയി ഏലിയാറക്കലാണ് സംഭവം. എലിയറക്കല് ഇടത്തൊടിയില് വീട്ടില് കാസിം റാവുത്തറിന്റെ മകന് വഹാബ് (52) നെ ചുറ്റിക കൊണ്ട് തലയ്ക്കടിച്ച് കൊലപ്പെടുത്തിയ കേസിലെ പ്രതി തിരുവനന്തപുരം പൂവാര് സ്വദേശി തെക്കേ തെരുവ് ഇ.എം.എസ് കോളനിയില് റീന മന്സിലില് നിയാസ് നസീര് (33) നെയാണ് കോന്നി പോലീസ് അറസ്റ്റ് ചെയ്തത്.
നിയാസിന്റെ ഭാര്യയായ കോന്നി ഏലിയറക്കല് സ്വദേശി ജാസ്മിന്റെ അമ്മയുടെ സഹോദരനാണ് മരിച്ച വഹാബ്. ഒരു വര്ഷം മുന്പ് നിയാസ് ജാസ്മിനെ രജിസ്റ്റര് വിവാഹം കഴിച്ച് കോന്നിയിലാണ് താമസമാക്കിയതാണ്. സ്ഥിരം മദ്യപാനിയായ ഇയാള് ജാസ്മിനെ ഉപദ്രവിക്കുക പതിവായിരുന്നു. ഇന്നലെയും മദ്യപിച്ചെത്തിയ നിയാസ് ജാസ്മിനെ ഉപദ്രവിക്കുന്നത് കണ്ട് സമീപത്തു തന്നെ താമസിക്കുന്ന ബന്ധുവായ വഹാബ് തടസ്സം പിടിക്കാന് എത്തിയതായിരുന്നു. വഴക്കിനിടയില് നിയാസ് ഒരു ചുറ്റികകൊണ്ട് വഹാബിന്റെ തലയില് അടിച്ചു ഗുരുതരമായി പരിക്കേല്പിക്കുകയായിരുന്നു.
വഹാബിനെ താലൂക്ക് ആശുപത്രിയിലും തുടര്ന്ന് പത്തനംതിട്ടയിലെ സ്വകാര്യ ആശുപത്രിയിലും പ്രവേശിപ്പിച്ചെങ്കിലും ചികിത്സയിലിരിക്കെ മരിച്ചു. ഉടന്തന്നെ സംഭവ സ്ഥലത്തു നിന്നും പ്രതിയെ അറസ്റ്റ് ചെയ്തു. പ്രതിയായ നിയാസ് തിരുവനന്തപുരം , എറണാകുളം , പത്തനംതിട്ട ജില്ലകളിലായി വധശ്രമം ഉള്പ്പെടെ നാലോളം കേസുകളില് പ്രതിയാണ്. ഇന്സ്പെക്ടര് എസ് ശ്രീകുമാര് ,എസ്.ഐ ഷൈജു , ഡിക്രൂസ്, അരുണ് , അനീഷ് , സുബിന് ,ജയകുമാര് എന്നിവര് അടങ്ങിയ സംഘമാണ് പ്രതിയെ അറസ്റ്റ് ചെയ്തത് ഇയാളെ ഇന്ന് കോടതിയില് ഹാജരാക്കും.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
