സര്ക്കാരിന്റെ മദ്യനയത്തെ എതിര്ക്കാന് ഉമ്മന് ചാണ്ടിയെ അനുസ്മരിച്ച് കെ.സി.ബി.സി.
കോട്ടയം: കേരളത്തിലെ കുടുംബങ്ങളെ ലഹരിയുടെ പിടിയില് നിന്നു മോചിപ്പിക്കാന് മദ്യശാലകള് അടച്ചുപൂട്ടിയ മുന് മുഖ്യമന്ത്രി ഉമ്മന് ചാണ്ടിയോടുള്ള ആദരവ് അറിയിക്കാന് കെ.സി.ബി.സി. മദ്യവിരുദ്ധ കമ്മീഷന് സംസ്ഥാന ഭാരവാഹികളും വൈദികരും ഉമ്മന് ചാണ്ടിയുടെ കബറിടത്തിലെത്തി പുഷ്പാര്ച്ചന നടത്തി.
സംസ്ഥാനത്തുടനീളം മദ്യശാലകള് അനുവദിച്ച ഇടതുസര്ക്കാരിന്റെ മദ്യനയത്തില് പ്രതിഷേധത്തിന്റെ കൂടി ഭാഗമായാണ് ഇവര് ഉമ്മന് ചാണ്ടിയുടെ കബറിടത്തിലെത്തിയത്. മദ്യനിരോധനം ഘട്ടംഘട്ടമായി നടപ്പിലാക്കുന്നതിന്റെ ഭാഗമായി 29 ബാറുകളൊഴികെ പത്ത് വര്ഷം മുമ്പ് മുഴുവന് മദ്യശാലകളും അടച്ചുപൂട്ടിയ നടപടി കെ.സി.ബി.സി.യുടെ മദ്യവിരുദ്ധ കമ്മീഷന് അനുസ്മരിച്ചു. ഫാ. ജേക്കബ് വെള്ളമരുതുങ്കല്, ഫാ. ജിന്സ് ചോരേട്ട്, പ്രസാദ് കുരുവിള എന്നിവരുടെ നേതൃത്വത്തില് ചങ്ങനാശ്ശേരി, പാലാ, കാഞ്ഞിരപ്പള്ളി, കോട്ടയം, വിജയപുരം രൂപതകളില് നിന്നുള്ള പ്രതിനിധികളാണ് കബറിടത്തില് എത്തിയത്.തെരഞ്ഞെടുപ്പ് അടുക്കാറായപ്പോള് മദ്യവും മറ്റ് ലഹരി വസ്തുക്കളും വിതയ്ക്കുന്ന വിപത്തുകളെ അവഗണിച്ച് വ്യാപകമായി കനാലുകളിലൂടെ മദ്യമൊഴുക്കുംവിധം സര്ക്കാര് ജനദ്രോഹ മദ്യനയം പൊതുസമൂഹത്തിനുമേല് അടിച്ചേല്പ്പിക്കുകയാണെന്നു കോട്ടയം റീജണല് ഡയറക്ടര് ഫാ. ജേക്കബ് വെള്ളമരുതുങ്കല് പറഞ്ഞു. ഉമ്മന്ചാണ്ടി ജനപ്രതിനിധിയായിരുന്ന കാലയളവില് പുതുപ്പള്ളിയില് ഒരു ബാറോ ബെവ്കോകണ്സ്യൂമര്ഫെഡ് ഔട്ട്ലെറ്റുകളോ ഉണ്ടായിട്ടില്ലെന്നും സമ്പൂര്ണ മദ്യനിരോധനം ഉമ്മന്ചാണ്ടിയുടെ സ്വപ്നമായിരുന്നുവെന്നും ചാണ്ടി ഉമ്മന് എം.എല്.എ. അനുസ്മരിച്ചു.അധികാരത്തിലെത്തിയാല് നിലവിലുള്ള മദ്യത്തില് നിന്നും ഒരു തുള്ളി പോലും കൂടുതലായി അനുവദിക്കില്ലെന്ന് പറഞ്ഞ് ഭരണത്തിലേറിയവര് മദ്യലഹരിവിരുദ്ധ ബോധവല്ക്കരണത്തിനായി വിമുക്തി പദ്ധതി പ്രഖ്യാപിച്ച് അഞ്ച് വര്ഷംകൊണ്ട് 35.15 കോടി രൂപാ പൊടിച്ചുവെന്ന് സംസ്ഥാന സെക്രട്ടറി പ്രസാദ് കുരുവിള പറഞ്ഞു.
കഴിഞ്ഞ പത്ത് വര്ഷംകൊണ്ട് 1016 ബാറുകളും 400ഓളം ബെവ്കോ കണ്സ്യൂമര്ഫെഡ് ഔട്ട്ലറ്റുകളും 5171 കള്ളുഷാപ്പുകളും യഥേഷ്ടം മദ്യശാല ലൈസന്സുകളും വാരിക്കോരി നല്കി ഇടതുസര്ക്കാര് വാഗ്ദാന ലംഘനം നടത്തുകയാണ്. പത്ത് വര്ഷം ഭരണം നടത്താന് അവസരം ലഭിച്ചിട്ടും പത്തും പതിനഞ്ചും വര്ഷം മുമ്പുള്ള സര്ക്കാരുകളെ പഴിചാരി തലയൂരുന്ന വിരോധാഭാസമാണ് ഇപ്പോള് കണ്ടുവരുന്നത്. കെ.പി. മാത്യു, തോമസുകുട്ടി മണക്കുന്നേല്, സാബു എബ്രഹാം, ആന്റണി മാത്യു, തോമസുകുട്ടി കാഞ്ഞിരപ്പള്ളി എന്നിവര് പ്രസംഗിച്ചു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
