അംഗന്വാടി ജീവനക്കാര് ഡിജിറ്റല് സമരത്തില്
കട്ടപ്പന: കേന്ദ്ര വനിതാ ശിശു വികസന മന്ത്രാലയത്തിന്റെയും ഉന്നത ഉദ്യോഗസ്ഥരുടെയും ദ്രോഹനയങ്ങളില് പ്രതിഷേധിച്ച് അംഗന്വാടി ജീവനക്കാര് ഡിജിറ്റല് സമരം ആരംഭിച്ചതായി അംഗന്വാടി വര്ക്കേഴ്സ് ആന്ഡ് ഹെല്പ്പേഴ്സ് അസോസിയേഷന് (സി.ഐ.ടി.യു) ജില്ലാ കമ്മിറ്റി അറിയിച്ചു.
ഓണ്ലൈന് ജോലികള് അനിശ്ചിതകാലത്തേക്ക് നിര്ത്തിവയ്ക്കുകയാണ്. അനുപൂരക പോഷകാഹാര സാധനങ്ങള് ഗുണഭോക്താക്കള്ക്ക് ലഭ്യമാക്കാന് ഓണ്ലൈന് രജിസ്ട്രേഷന് നിര്ബന്ധമാക്കിയിരുന്നു. എന്നാല്, ഉപയോഗയോഗ്യമായ ഇലക്ട്രോണിക് ഉപകരണങ്ങള് നല്കാതെ ഉത്തരവാദിത്വം ജീവനക്കാര്ക്കുമേല് അടിച്ചേല്പ്പിച്ചു. ആനുകൂല്യം നഷ്ടമായാല് നഷ്ടപരിഹാരം ജീവനക്കാരില്നിന്ന് ഈടാക്കുമെന്നും ശിക്ഷാനടപടി സ്വീകരിക്കുമെന്നും പറഞ്ഞ് ഉദ്യോഗസ്ഥര് ഭീഷണിപ്പെടുത്തുകയാണെന്നും ഭാരവാഹികള് കുറ്റപ്പെടുത്തി. 2018 ല് നല്കിയ ഫോണ് 2023 ല് പ്രവര്ത്തനരഹിതമായി. തുടര്ന്ന് ജീവനക്കാര് സ്വന്തം ഫോണ് ഉപയോഗിച്ച് രജിസ്ട്രേഷന് നടത്തേണ്ട ഗതികേടിലാണ്. പലരും സ്മാര്ട്ട് ഫോണുകള് ഉപയോഗിക്കുന്നവരല്ല.
ഒട്ടേറെ ഗുണഭോക്താക്കളുള്ളതിനാല് കൂടുതല് വിവരശേഖരണം നടത്തി ഓണ്ലൈനില് ചേര്ക്കേണ്ടി വരുന്നത് ജീവനക്കാരെ ബുദ്ധിമുട്ടുകയാണ്. പോഷന് ട്രാക്കര് പ്രവര്ത്തനത്തിന് ഫോണോ, ടാബോ, കമ്പ്യൂട്ടറോ നല്കുക, ഫോട്ടോ ഉള്പ്പെടുത്താതെ ഗുണഭോക്താക്കള്ക്ക് പോഷകാഹാരം നല്കാന് അനുവദിക്കുക തുടങ്ങിയ ആവശ്യങ്ങള് ഉന്നയിച്ചാണ് സമരം. അതേസമയം അംഗന്വാടികളുടെ ദൈനംദിന പ്രവര്ത്തനങ്ങള് തടസപ്പെടില്ലെന്നും ഭാരവാഹികളായ പ്രസിഡന്റ് എന്. ശോഭന, സെക്രട്ടറി അനിത റെജി, എ. അമ്പിളി, കെ. ലത, വിദ്യ നാരായണന്, കെ.എസ് രമണി എന്നിവര് പറഞ്ഞു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
