കായികമേള: 5000 മീറ്ററില്‍ കരുത്ത്‌ തെളിയിച്ച്‌ ജില്ലാ പോലീസ്‌ മേധാവി

കൊടുമണ്‍ : കൊടുമണ്‍ സേ്‌റ്റഡിയത്തില്‍ നടന്ന 2025 - 26 ജില്ലാ പോലീസ്‌ കായികമേളയില്‍ 5000 മീറ്റര്‍ ഓട്ടത്തില്‍ പോലീസ്‌ ഉദ്യോഗസ്‌ഥരോടൊപ്പം മത്സരിച്ച്‌ കഴിവ്‌ തെളിയിച്ച്‌ ജില്ലാ പോലീസ്‌ മേധാവി ആര്‍ ആനന്ദ്‌ . കാണികളെയും പങ്കെടുത്ത മറ്റ്‌ കായിക താരങ്ങളെയും അമ്പരപ്പിച്ചുകൊണ്ട്‌ 28 മിനിറ്റിലാണ്‌ അദ്ദേഹം 5000 മീറ്റര്‍ ഫിനിഷ്‌ ചെയ്‌തത്‌.
ജനങ്ങളുടെ ജീവനും സ്വത്തിനും സംരക്ഷണം നല്‍കുവാന്‍ സദാ സന്നദ്ധരാണ്‌ പോലീസ്‌ ഉദ്യോഗസ്‌ഥര്‍ എന്നും , അതിന്‌ അവരെ പ്രാപ്‌തരാക്കുന്ന തരത്തില്‍ ശാരീരികവും മാനസികവുമായ കഴിവുകള്‍ പരിപോഷിപ്പിക്കാന്‍ ഇത്തരം കായികമേളകള്‍ക്ക്‌ ആവും എന്നും അദ്ദേഹം പറഞ്ഞു.