കാണിക്കവഞ്ചി കുത്തിത്തുറന്ന് മോഷണം: മോഷ്ടാവ് പിടിയില്
അമ്പലപ്പുഴ: ക്ഷേത്രത്തിലെ കാണിക്കവഞ്ചി കുത്തിത്തുറന്ന് മോഷണം നടത്തിയ മോഷ്ടാവിനെ അമ്പലപ്പുഴ പോലീസ് അറസ്റ്റു ചെയ്തു. പുന്നപ്ര വടക്ക് പഞ്ചായത്ത് പേരൂര് കോളനിയില് സുഭാഷ് (അനില്കുമാര് 41) ആണ് അറസ്റ്റി ലായത്. ചൊവ്വാഴ്ച പുലര്ച്ചെ അമ്പലപ്പുഴ ശ്രീകൃഷ്ണസ്വാമി ക്ഷേത്രത്തിന് സമീപം സംശയാസ്പദ സാഹചര്യത്തില് കണ്ടയാളെ നാട്ടുകാര് അറിയിച്ചതിനെ തുടര്ന്ന് അമ്പലപ്പുഴ പോലീസ് പിടികൂടി സ്റ്റേഷനിലെത്തിച്ചു. ഇയാളുടെ കൈവശം 5 രൂപ, 10 രൂപ, 2 രൂപ തുടങ്ങിയ ധാരാളം നാണയങ്ങള് കണ്ട് പോലീസ് ചോദ്യം ചെയ്തപ്പോള് പുത്തന്നട ദേവീക്ഷേത്രത്തിലെ കാണിക്കവഞ്ചി പൊട്ടിച്ചെടുത്തതാണെന്ന് ഇയ്യാള് സമ്മതിച്ചു.
ചൊവ്വാഴ്ച പുലര്ച്ചെ ഒന്നോടെ മോഷണം നടത്തിയശേഷം അമ്പലപ്പുഴയില് എത്തിയതായിരുന്നു പ്രതി. ഉടന് പോലീസ് ക്ഷേത്രം അധികൃതരെ അറിയിച്ചു. അപ്പോഴാണ് ക്ഷേത്രം അധികൃതരും മോഷണവിവരം അറിയുന്നത്. പ്രധാന വാതിലിനു മുന്നില് വെച്ചിരുന്ന കാണിക്കവഞ്ചിയില് 6000 രൂപയോളം ഉണ്ടായിരുന്നു. ഇയാള് പുന്നപ്ര സ്റ്റേഷനിലെ നിരവധി കേസിലെ പ്രതിയാണ്. കോടതിയില് ഹാജരാക്കിയ പ്രതിയെ റിമാന്റു ചെയ്തു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
