പ്ലസ്‌ടു പരീക്ഷ എഴുതാന്‍ 'അപൂര്‍വ' സഹോദരങ്ങള്‍

ചേപ്പാട്‌: പ്ലസ്‌ടു പരീക്ഷയ്‌ക്കായി എത്തിയത്‌ രണ്ട്‌ കുടുംബത്തില്‍പ്പെട്ട മൂവര്‍ സംഘങ്ങള്‍. ചേപ്പാട്‌ സി.കെ.എച്ച്‌.എസ്‌.എസിലാണ്‌ രണ്ട്‌ കുടുംബത്തിലെ മൂവര്‍സംഘം പരീക്ഷ എഴുതിയത്‌. ചിങ്ങോലി, തുറവശേരില്‍ വടക്കേതില്‍ ആന്‍ഡ്രൂസ്‌ - ഫിലോമിന ദമ്പതികളുടെ മക്കളായ ഏയ്‌ഞ്ചല്‍ മേരി, അനിത മേരി, അന്ന മേരി എന്നിവരാണ്‌ ഒരു ടീം. ഇവര്‍ സയന്‍സ്‌ വിഭാഗത്തില്‍ ഒരേ ക്ലാസില്‍ പഠിക്കുന്നവരാണ്‌.
ചിങ്ങോലി, ആയിക്കാട്ട്‌ ബ്രദേഴ്‌സ് കോട്ടേജില്‍ അഫ്‌സല്‍ - സൗഫിന ദമ്പതികളുടെ മക്കള്‍ ആദില്‍ മുഹമ്മദ്‌, അദിനാന്‍ മുഹമ്മദ്‌, അമ്‌ന ഫാത്തിമ എന്നിവരാണ്‌ രണ്ടാമത്തെ ടീം. ആദിലും അദിനാനും കൊമേഴ്‌സ് വിഭാഗത്തിലും അമ്‌ന സയന്‍സ്‌ ബാച്ചിലുമാണ്‌ പഠിക്കുന്നത്‌.