ഗീതുവിന് സ്നേഹവീട്: ഭൂമിയുടെ ആധാരം കൈമാറി
ആലത്തിയൂര്: അക്ഷരങ്ങള്ക്കൊപ്പം മാനവികതയുടെ വലിയൊരു പാഠം കൂടി പകര്ന്നുനല്കി കെ.എച്ച്.എം.എച്ച്.എസ്.എസ്. സ്കൂളിലെ വിദ്യാര്ത്ഥികളും അധ്യാപകരും മാനേജ്മെന്റും ചേര്ന്ന് ദേശീയ തലത്തിലടക്കം സ്കൂളിനായി മിന്നുംപ്രകടനം നടത്തിയ സ്പോര്ട്സ് താരം ഗീതുവിനായി നിര്മ്മിക്കുന്ന സ്നേഹവീടിന്റെ ഭൂമിയുടെ ആധാര കൈമാറ്റം നിര്വ്വഹിച്ചു. തൃപ്രങ്ങോട് ഗ്രാമ പഞ്ചായത്ത് പ്രസിഡണ്ട് മുജീബ് പൂളക്കല് ഉദ്ഘാടനം ചെയ്തു. സ്കൂള് മാനേജ്മെന്റ്, അധ്യാപകര്, പി.ടി.എ, വിദ്യാര്ത്ഥികള് എന്നിവരുടെ കൂട്ടായ പരിശ്രമത്തിലൂടെയാണ് വീടിനാവശ്യമായ തുക സമാഹരിച്ചത്. സ്കൂള് ഓഡിറ്റോറിയത്തില് നടന്ന ചടങ്ങില് പി.ടി.എ. പ്രസിഡണ്ട് ടി.എന്. ഷാജി, പ്രിന്സിപ്പാള് സോണിയ, പ്രാധാനാധ്യാപിക ബിന്ദു എന്നിവര് ചേര്ന്ന് സ്ഥലത്തിന്റെ ആധാരം ഗീതുവിന് കൈമാറി. സ്കൂള് പ്രിന്സിപ്പല് സോണിയ സ്വാഗതം പറഞ്ഞു. പി.ടി.എ. പ്രസിഡന്റ് ടി.എന്. ഷാജി അധ്യക്ഷത വഹിച്ചു.
തിരൂര് എസ്.ഐ. ക്ലീറ്റസ് മുഖ്യാഥിതിയായ ചടങ്ങില് എച്ച്.എം. ബിന്ദു, പി.ടി.എ. വൈസ് പ്രസിഡണ്ട് ഐ.പി. ജലീല്, സുഭാഷ് പയനാട്, കെ.പി. ശംസുദ്ധീന്, മൊയ്നുട്ടി പൊയ്ലിശ്ശേരി, കുഞ്ഞാലിക്കുട്ടി, ശാഫി വാക്കയില്, സുബൈര് പ്രസംഗിച്ചു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
