സഹോദരിമാരായ കുട്ടിക്കര്ഷകരുടെ മട്ടുപ്പാവ്കൃഷി മാതൃകാപരം: മോളി ജേക്കബ്
ആലപ്പുഴ: സഹോദരിമാരായ കുട്ടികര്ഷകര് വീടിന്റെ മട്ടുപ്പാവില് നടത്തുന്ന ജൈവകൃഷി തീര്ത്തും മാതൃകാപരമെന്ന് ആലപ്പുഴ നഗരസഭ അധ്യക്ഷ മോളി ജേക്കബ്. ആലപ്പുഴ നഗരസഭ വട്ടയാല് വാര്ഡില്, പുത്തന്വീട് പുരയിടം, ഫരീദ മന്സിലില്
കുട്ടികര്ഷകരായ ഫരീദ ഫിറോസും ഫാദിയ ഫിറോസും ചെയ്തുവരുന്ന ആറാംഘട്ട ജൈവകൃഷിയുടെ വിളവെടുപ്പ് നടത്തിയതിന് ശേഷം സംസാരിക്കുകയായിരുന്നു അവര്.
പഠനത്തിന് മുന്പും ശേഷവും ലഭിക്കുന്ന വിലയേറിയ സമയം ഉറങ്ങിയും ടിവി കണ്ടും, മൊബൈല് ഫോണില് കളിച്ചും കളയാതെ, പ്രകൃതിയെയും അതിലെ ജീവജാലങ്ങളെയും നശിപ്പിക്കാതെയുള്ള ജൈവക്കൃഷി ചെയ്യുന്നത് സമ പ്രായക്കാര് ക്കിടയില് മാത്രമല്ലാ ഏവര്ക്കും പ്രചോദനമാണെന്നും ഇത്തിരി സ്ഥലത്ത് ഒത്തിരി കൃഷി ചെയ്യുന്ന ഫരിദയും ഫാദിയായും ഏവര്ക്കും ഒരു റോള് മോഡലാണെന്നും മോളി ജേക്കബ് പറഞ്ഞു.
കോളിഫ്ളവര്, തക്കാളി, പാലക്ക് ചീര, വെണ്ട എന്നിവയുടെ വിളവെടുപ്പാണ് നടത്തിയത്. നഗരസഭ ആരോഗ്യ സ്ഥിരംസമിതി അധ്യക്ഷന് എ. എം നൗഫല്, പൊതുമരാമത്ത് സ്ഥിരംസമിതി അധ്യക്ഷ സി.ജ്യോതിമോള്, വാര്ഡ് കൗണ്സിലര് ലൈലാ ബീവി എന്നിവരും സന്നിഹിതരായിരുന്നു.
ആലപ്പുഴ സെന്റ് ജോസഫ്സ് ഗേള്സ് എച്ച്.എസിലെ ഏഴാം ക്ലാസ് വിദ്യാര്ഥിനിയാണ് ഫരീദ ഫിറോസ്. സെന്റ് ജോസഫ്സ് എല്.പി.എസിലെ നാലാം ക്ലാസ് വിദ്യാര്ഥിനിയാണ് ഫാദിയ ഫിറോസ്. വനമിത്ര പുരസ്കാര ജേതാവ് ഫിറോസ് അഹമ്മദാണ് പിതാവ്. എന്.നാസിലയാണ് മാതാവ്. എല്.കെ.ജി വിദ്യാര്ഥി ഫാദില് മുഹമ്മദ് ഫിറോസാണ് അനുജന്.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
