കരിങ്കുറ്റി സ്കൂള് വിദ്യാര്ഥികള് ചൂരല്മലയും ടൗണ്ഷിപ്പും സന്ദര്ശിച്ചു
മേപ്പാടി: പ്രകൃതിക്ഷോഭത്തിന്റെ നടുക്കുന്ന ഓര്മകള് അവശേഷിക്കുന്ന ചൂരല്മല ദുരന്ത മേഖലയിലും, പുനരധിവാസത്തിനായി ഒരുങ്ങുന്ന സ്നേഹ വീടുകളിലും സന്ദര്ശനം നടത്തി കരിങ്കുറ്റി ജി.വി.എച്ച്.എസ്.എസിലെ വിദ്യാര്ഥികള്. പാഠ്യപദ്ധതിയുടെ ഭാഗമായി സംഘടിപ്പിച്ച പഠനയാത്രയില് 75 അംഗ വിദ്യാര്ഥി സംഘമാണ് പങ്കെടുത്തത്. മഹാദുരന്തം തകര്ത്തെറിഞ്ഞ ചൂരല്മലയുടെ മണ്ണില് പ്രകൃതി വരുത്തിയ മാറ്റങ്ങളും ദുരന്തത്തിന്റെ ആഘാതവും വിദ്യാര്ഥികള് നേരിട്ട് കണ്ടറിഞ്ഞു. തുടര്ന്ന് അതിജീവനത്തിന്റെ പുതിയ മാതൃകയായ ടൗണ്ഷിപ്പിലെ സ്നേഹ വീടുകള് സന്ദര്ശിച്ച വിദ്യാര്ഥികള്, തകര്ച്ചയില് നിന്ന് ഒരു നാട് എങ്ങനെ ഒരുമയോടെ തിരികെ വരുന്നു എന്ന പാഠം ഉള്ക്കൊണ്ടു. ദുരന്തബാധിതരെ നേരില് കണ്ട് സംസാരിക്കാനും അവരുടെ അതിജീവന പോരാട്ടങ്ങള് മനസ്സിലാക്കാനും ഈ യാത്ര കുട്ടികള്ക്ക് അവസരമൊരുക്കി. സ്കൂള് പ്രധാനാധ്യാപിക രമ്യ വി. ഹരന്, പി.ടി.എ പ്രസിഡന്റ് ജിതേഷ്. വി, അധ്യാപകരായ സജി ആന്റോ, അജ്മല്. എം, ദിവ്യ. കെ, ഗിരിജ. വി, അസ്മിയ, അധ്യാപക വിദ്യാര്ഥികളായ ഗൗതം, ശ്രീരഞ്ജിനി, അംജിത സന്ദര്ശനത്തിന് നേതൃത്വം നല്കി. പ്രകൃതി സംരക്ഷണത്തിന്റെ പ്രാധാന്യവും ദുരന്തമുഖത്ത് പുലര്ത്തേണ്ട മാനുഷിക മൂല്യങ്ങളും കുട്ടികളില് വളര്ത്തുക എന്ന ലക്ഷ്യത്തോടെയാണ് സ്കൂള് അധികൃതര് ഈ പഠനയാത്ര സംഘടിപ്പിച്ചത്.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
