വീട് കയറി ആക്രമണം; നാലുപേര് അറസ്റ്റില്
കട്ടപ്പന: യുവതിയെയും കുട്ടിയെയും വീട് കയറി ആക്രമിച്ച കേസില് നാല് പേര് അറസ്റ്റില്. പാറക്കടവ് സ്വദേശികളായ ചെന്നായ്ക്കല് ദീപു ഉണ്ണികൃഷ്ണന്(46), ചാണശേരില് സുജിത്ത്മോന് സുരേഷ്(28), ചാണശേരില് ബിനീഷ് ബാബു(36), മേലേക്കുളത്ത് രാഹുല് രാജന്(30) എന്നിവരാണു പിടിയിലായത്.
ഫുട്ബോള് ഡിഷ് ആന്റിനയില് തട്ടിയതുമായി ബന്ധപ്പെട്ടുള്ള തര്ക്കത്തിലാണു പ്രതികള് യുവതിയെയും 12 വയസുള്ള മകനെയും വീട് കയറി ആക്രമിച്ചത്. പാറക്കടവിലെ അപ്പാര്ട്ട്മെന്റില് താമസിക്കുന്ന യുവതിയുടെ മകന് ഫുട്ബോള് കളിച്ചപ്പോള് താഴത്തെ നിലയില് താമസിക്കുന്ന ദീപു സ്ഥാപിച്ചിരുന്ന ഡിഷ് ആന്റിനയില് തട്ടി സിഗ്നല് നഷ്ടമായെന്നാണ് ആരോപണം. തുടര്ന്നുള്ള തര്ക്കമാണ് വീടുകയറി ആക്രമണം നടത്താന് കാരണമായതെന്ന് പോലീസ് അറിയിച്ചു.
കഴിഞ്ഞ ദിവസം നടന്ന ഈ സംഭവമറിഞ്ഞ് 22ന് വൈകിട്ട് യുവതിയുടെ വീട്ടിലെത്തിയ കുടുംബ സുഹൃത്ത് വിവരങ്ങള് അന്വേഷിക്കുന്നതിനിടെ ദീപുവിന്റെ നേതൃത്വത്തിലുള്ള സംഘം വീട്ടില് അതിക്രമിച്ചുകയറി ആക്രമണം നടത്തുകയായിരുന്നു. മൂവരെയും മര്ദിക്കുകയും യുവതിയുടെ വസ്ത്രം വലിച്ചുകീറുകയും ചെയ്തു. ഇവരുടെ പരാതിയില് പോലീസ് കേസെടുത്ത് നാലുപേരെ അറസ്റ്റു ചെയ്ത് റിമാന്ഡ് ചെയ്തു. കേസില് ഉള്പ്പെട്ട മറ്റുള്ളവര്ക്കായി അന്വേഷണം പുരോഗമിക്കുകയാണ്.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
