കായലോര വിശ്രമകേന്ദ്രവും ഹൗസ്ബോട്ട് ടെര്മിനലും ഉപയോഗശൂന്യം
കായംകുളം: കോടികള് മുടക്കി നിര്മ്മാണം നടത്തി 2019 ഫെബ്രുവരി 25ന് മുഖ്യമന്ത്രി പിണറായി വിജയന് ഉദ്ഘാടനം ചെയ്ത കായലോരവിശ്രമ കേന്ദ്രവും ഹൗസ് ബോട്ട് ടെര്മിനലും ജനങ്ങള്ക്ക് ഉപയോഗപ്രദമല്ലാതെയും സാമൂഹിക വിരുദ്ധരുടെയും മയക്കുമരുന്ന്, അനാശ്യാസ പ്രവര്ത്തികളുടെ താവളമായും മാറിയിരിക്കുന്നതില് പ്രതിഷേധിച്ച് ഉദ്ഘാടനത്തിന്റെ ഏഴാം വാര്ഷികദിനത്തില് കായംകുളം ജനകീയ പ്രതികരണ വേദി റീത്ത് വെച്ച് പ്രതിഷേധിച്ചു. ഇതു സംബദ്ധിച്ച് മുഖ്യമന്ത്രിക്ക് പരാതി നല്കുകയും ചെയ്തിരുന്നു.
പ്രതിഷേധയോഗത്തില് കറുത്ത തുണികൊണ്ട് വായ് മൂടിക്കെട്ടിയും കറുത്ത പതാകകള് ഉയര്ത്തിയും പ്രതിഷേധിച്ചു.
പ്രതികരണ വേദി പ്രസിഡന്റ് പാലമുറ്റത്ത് വിജയകുമാര് ഉദ്ഘാടനം ചെയ്തു. പുളിയറ വേണുഗോപാല് അധ്യക്ഷത വഹിച്ചു.
സോമശേഖരന് ഉണ്ണിത്താന്, രാജശേഖരന്, അനില് പി. ഡാനിയല്, കെ.എന്. കൃഷ്ണകുമാര്, ബാബു കോയിക്കല്, കെ.പി. അലക്സാണ്ടര്, രാജന് പുതിയിടം, കെ.എന്. ജയന്, ശ്രീധരന് പിള്ള, രാധാകൃഷ്ണന്, അനീഷ് ഗോപിനാഥ് തുടങ്ങിയവര് നേതൃത്വം നല്കി.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
