വേനല് കടുത്തു; കുടിവെള്ളക്ഷാമം രൂക്ഷം
പീരുമേട്: വേനല് കടുത്തതോടെ ഹൈറേഞ്ച് മേഖലാ പ്രതിസന്ധിയിലേക്ക്. പുഴകളും തോടുകളും ജലനിരപ്പ് താഴ്ന്ന നിലയിലാണ്.
ഇതോടെ ഉയര്ന്ന പ്രദേശങ്ങളില് കുടിവെള്ളക്ഷാമവും അതിരൂക്ഷമായി. പലയിടത്തും പുഴകളിലെയും തോടുകളിലെയും നീരൊഴുക്ക് പൂര്ണമായും നിലച്ചു.
ഇതോടെ പ്രദേശം കൊടും വരള്ച്ചയുടെ പിടിയിലായി. ഉയര്ന്ന പ്രദേശങ്ങളില് താമസിക്കുന്നവര് വെള്ളം വിലയ്ക്ക് വാങ്ങി ഉപയോഗിക്കേണ്ട സ്ഥിതിയിലാണ്.
ഏലപ്പാറയിലെ ഹെലിബറിയ കുടിവെള്ള പദ്ധതി വഴിയാണ് താലൂക്കിലെ അഞ്ച് പഞ്ചായത്തുകളില് ജലവിതരണം നടത്തുന്നത്.
എന്നാല് പദ്ധതിയിലെ സാങ്കേതിക തകരാറുകളെ തുടര്ന്ന് വിതരണം തടസപ്പെടുന്നത് ജലക്ഷാമത്തിന്റെ ആക്കം കൂട്ടുന്നുണ്ട്.
കൃഷിയും നാശത്തിന്റെ വക്കിലാണ്. വേനല്ച്ചൂടില് ഏലച്ചെടികള് കരിഞ്ഞുണങ്ങുകയാണ്. കായ്കള് ഉണ്ടാകേണ്ട ശരങ്ങളും പൂക്കളും കൊഴിഞ്ഞുപോയി. വരും മാസങ്ങളില് ലഭിക്കേണ്ട വിളവെടുപ്പിനെ ഇത് സാരമായി ബാധിക്കും. ഉല്പാദനത്തില് വന് ഇടിവുണ്ടാകുമെന്ന ആശങ്കയിലാണ് കര്ഷകര്.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
