സി.ഡി.എസ്. ചെയര്പഴ്സണ് സ്ഥാനം കോണ്ഗ്രസിന്
എടത്വാ: സി.പി.എം വിഭാഗീയതയും സി.പി.ഐ തര്ക്കവും തലവടി പഞ്ചായത്തില് സി.ഡി.എസ് ചെയര്പഴ്സണ് സ്ഥാനം കോണ്ഗ്രസിന് ലഭിച്ചു. കുടുംബശ്രീയുടെ തുടക്കകാലം മുതല് സി.പി.എം കൈയടക്കി വെച്ചിരുന്ന തലവടിയില് സി.ഡി.എസ് ചെയര്പഴ്സണ് സ്ഥാനമാണ് ഇതോടെ നഷ്ടമായത്. തലവടി ഒന്നാം വാര്ഡില് നിന്നുമുള്ള സുബി ചാക്കോയാണ് ഒന്പതു വോട്ടുകള് നേടി സി.ഡി.എസ് ചെയര്പഴ്സണായി തെരഞ്ഞെടുത്തത്.
സി.പി.എമ്മില്നിന്നും രണ്ടുപേര് മല്സരിക്കാന് തയാറായിട്ടും സമവായത്തിലൂടെ പ്രശ്നം പരിഹരിക്കാന് നേതൃത്വം തയ്യാറായില്ല. തുടര്ന്ന് സി.പി.എം പ്രതിനിധികളായി മല്സരിച്ച സുനി രാധകൃഷ്ണനു മൂന്നു വോട്ടുകളും, സുഗതമ്മയ്ക്ക് നാലുവോട്ടുകളും മാത്രമാണ് ലഭിച്ചത്. വൈസ് ചെയര്പഴ്സണ് സ്ഥാനത്തേക്കും സി.പി.എം പ്രതിനിധികളായി രാജി സുബാഷ്, സുനി രാധാകൃഷ്ണന് എന്നീ രണ്ടു പേരാണ് മല്സരിച്ചത്. കോണ്ഗ്രസ് പ്രതിനിധി സാറാമ്മ ബിജുവും, ശ്രീരഞ്ജിനി എന്നിവരും മല്സരിച്ചു. ഇതില് രാജി സുബാഷ് ഏഴ് വോട്ടു നേടി വിജയിച്ചു.
സുനി രാധാകൃഷ്ണന് ആറും, കോണ്ഗ്രസ് പ്രതിനിധിയായി സാറാമ്മ ബിജുവിന് ഒന്നും ശ്രീരഞ്ജിനിക്ക് രണ്ടും വീതമാണ് വോട്ടുകള് ലഭിച്ചത്. തലവടി ഗ്രാമപഞ്ചായത്തില് മുന്നൂറിലധികം കുടുംബശ്രീകള് പ്രവര്ത്തിക്കുണ്ടെങ്കിലും 140 കുടുംബശ്രീകള് മാത്രമാണ് അഫിലേഷന് പുതുക്കിയിട്ടുള്ളത്.
പതിനാറു വാര്ഡുകളില് നിന്നും സി.ഡി.എസിലേക്ക് തെരഞ്ഞെടുക്കപ്പെടേണ്ട പല പ്രതിനിധികളെയും വാര്ഡില്നിന്നും വെട്ടി നിരത്തപ്പെട്ടതും സി.പി.എം. നിയന്ത്രത്തിലുള്ള പല കുടുംബശ്രീകളുടെയും അഫിലിയേഷന് പുതുക്കാതിരുന്നതും പരാജയത്തിന് കാരണമായി. തെരഞ്ഞെടു പ്പിന് മാസങ്ങള്ക് മുന്പേ ജില്ലാ നേതൃത്വത്തിന്റെ നിര്ദേശം ഉണ്ടായിരുന്നിട്ടും കുടുംബശ്രീ തെഞ്ഞെടുപ്പിനാവശ്യമായ മുന്നൊരുക്കള് ചെയ്യാന് സി.പി.എമ്മിന് കഴിഞ്ഞിരുന്നില്ല.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
