മന്ത്രിയുടെ സാന്നിധ്യത്തില് ഉദ്യോഗസ്ഥര്ക്കെതിരേ എം.എല്.എയുടെ വിമര്ശനം
ആലപ്പുഴ: ഫിഷറീസ് വകുപ്പ് ഉദ്യോഗസ്ഥര്ക്കെതിരേ രൂക്ഷ വിമര്ശനവുമായി എച്ച്. സലാം എം.എല്.എ. തോട്ടപ്പള്ളി മണ്ണുംപുറം കോളനിയില് മത്സ്യത്തൊഴിലാളികള്ക്കായി നിര്മിച്ച ഫ്ളാറ്റ് സമുച്ചയത്തിന്റെ താക്കോല് കൈമാറല് ചടങ്ങില് അധ്യക്ഷ പ്രസംഗത്തിനിടെയായിരുന്നു ഫിഷറീസ് മന്ത്രി സജി ചെറിയാന്റെ സാന്നിധ്യത്തില് എം.എല്.എയുടെ പരസ്യവിമര്ശനം.
ഫ്ളാറ്റില് വീട് ലഭിക്കാതിരുന്ന അഞ്ച് കുടുംബങ്ങളുടെ അപേക്ഷ ഫിഷറീസ് ഡി.ഡിയുടെ സാന്നിധ്യത്തില് നല്കിയിരുന്നതായി സലാം പറഞ്ഞു. ഇവര്ക്ക് വീട് നല്കാന് മാനദണ്ഡങ്ങളുണ്ടെങ്കിലും ഉദ്യോഗസ്ഥര് പ്രത്യേകമായി മാനദണ്ഡങ്ങള് നടപ്പാക്കുകയാണ്.
ഇത് തന്റെ വിവേചനാധികാരമാണെന്നാണ് ഉദ്യോഗസ്ഥര് പറയുന്നത്. മര്യാദകേട് തീരദേശത്തെ പാവപ്പെട്ട തൊഴിലാളികളോട് കാണിക്കരുത്. കാണിച്ചാല് തൊഴിലാളികള് ഏതുനിലയിലും നേരിടും. മന്ത്രിക്കും സര്ക്കാരിനും മേലെയാണ് ചില ഉദ്യോഗസ്ഥര് പെരുമാറുന്നതെന്നും സലാം തുറന്നടിച്ചു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
