യുവതിയെ വെട്ടിെക്കാലപ്പെടുത്താന് ശ്രമം; ഭര്ത്താവ് അറസ്റ്റില്
പെരുമ്പെട്ടി: യുവതിയെ വെട്ടി കൊലപ്പെടുത്താന് ശ്രമിച്ച ഭര്ത്താവ് അറസ്റ്റില് . പെരുമ്പെട്ടി മതുക്കല് ചാലാപ്പള്ളി സ്വദേശി താളിയാനിക്കല് മണ്ണില് വീട്ടില് റെജി എന്ന് വിളിക്കുന്ന മാത്യു ജോസഫ് (43) ആണ് പെരുമ്പെട്ടി പോലീസിന്റെ പിടിയിലായത്. നിംഗമണി (38) ക്കാണ് വെട്ടേറ്റത്. ചൊവ്വാഴ്ച രാത്രി പത്തുമണിയോടെ ആണ് അക്രമം നടന്നത്. ചാലാപള്ളിയിലുള്ള എ.ടി.എമ്മില് നിന്ന് പണം എടുത്തശേഷം ഇറങ്ങുകയായിരുന്ന നിംഗമണിയെ സ്കൂട്ടര് ഉപയോഗിച്ച് ഇടിച്ചു വീഴ്ത്തിയ ശേഷം അരിവാള് ഉപയോഗിച്ച് മുതുകത്തും കഴുത്തിലും തലയ്ക്കും കയ്യിലും മാറിമാറി വെട്ടുകയായിരുന്നു.
സംശയം മൂലമാണ് മാത്യു ഭാര്യയെ ആക്രമിച്ചത്. നിംഗമണി കര്ണാടക സ്വദേശിയാണ്. വെട്ടേറ്റ് ഗുരുതരാവസ്ഥയില് ആയ ഇവരെ റാന്നി താലൂക്ക് ആശുപത്രിയിലും തുടര്ന്ന് കോട്ടയം മെഡിക്കല് കോളേജ് ആശുപത്രിയിലും പ്രവേശിപ്പിച്ചു. രാത്രി തന്നെ ഇന്സ്പെക്ടര് എസ്.എച്ച്.ഒ സജീഷ് കുമാറിന്റെ നേതൃത്വത്തില് സി.പി.ഒമാരായ പ്രവീണ് , സന്തോഷ് , അഷ്ഫാക്ക് റഷീദ് , ജീസന് എന്നിവരടങ്ങിയ സംഘമാണ് പ്രതിയെ പിടികൂടിയത്. കോടതിയില് ഹാജരാക്കിയ ഇയാളെ റിമാന്ഡ് ചെയ്തു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
