മേപ്പയില് ഗണപതി ഭഗവതി ക്ഷേത്രത്തിലെ താലപ്പൊലി മഹോത്സവത്തിന് നാളെ കൊടിയേറും
വടകര: മേപ്പയില് ഗണപതി ഭഗവതി ക്ഷേത്രത്തിലെ അഞ്ച് ദിവസം നീണ്ടു നില്ക്കുന്ന താലപ്പൊലി മഹോത്സവത്തിന് വ്യാഴാഴ്ച കൊടിയേറും. ഉത്സവത്തിന്റെ തുടക്കമായി ചൊവ്വാഴ്ച കലവറ നിറയ്ക്കല് ചടങ്ങ് നടന്നു. വ്യാഴാഴ്ച ഉച്ചയ്ക്ക് അന്നദാനം നടക്കും. വൈകിട്ട് അഞ്ചിനാണ് കൊടിയേറ്റം. രാത്രി താലപ്പൊലിക്ക് ശേഷം 10.30 ന് നൃത്ത സന്ധ്യ പരിപാടി അരങ്ങേറും.
രണ്ടാം ദിവസം താലപ്പൊലിക്ക് ശേഷം നവോദയ കലാവേദി അവതരിപ്പിക്കുന്ന ചിലമ്പൊലി പരിപാടി അരങ്ങിലെത്തും. മൂന്നാം നാള് വൈകിട്ട് സോപാന സംഗീതവും 9.00 മണിക്ക് താലപ്പൊലിയും ഉണ്ടാകും. 10.30 ന് ദ്രൗപതി നൃത്തശില്പം, 12.00 ന് വടകര വരദയുടെ നാടകം ഇരുട്ടിന്റെ ആത്മാവ് എന്നിവയും അരങ്ങേറും.
നാലാം ദിവസമായ ഞായറാഴ്ച കുട്ടോത്ത് വിഷ്ണു ക്ഷേത്രത്തില് നിന്നുള്ള എഴുന്നള്ളത്ത്, വിവിധ സ്ഥലങ്ങളില് നിന്നുള്ള പൂക്കലശം വരവുകള് എന്നിവയും താലപ്പൊലി എഴുന്നള്ളത്തും നടക്കും. തുടര്ന്ന് ഒരു മണിക്ക് മെഗാ മ്യൂസിക്കല് ലൈവ് പരിപാടി.അഞ്ചാം ദിവസം വിവിധ സ്ഥലങ്ങളില് നിന്നുള്ള ഇളനീര് വരവുകള്, പൂക്കലശം വരവ്, മഞ്ഞള്പ്പൊടി എഴുന്നള്ളത്ത് എന്നിവയും തുടര്ന്ന് താലപ്പൊലി എഴുന്നള്ളത്തും നടക്കും.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
