ഇലക്‌ട്രിക്‌ ലൈനില്‍ തട്ടി തെങ്ങിന്‌ തീ പിടിച്ചു

തളിപ്പറമ്പ്‌: ഇലക്‌ട്രിക്‌ ലൈനില്‍ തട്ടിയ ഓലയില്‍ നിന്നും തെങ്ങിന്‌ തീ പിടിച്ചു. ശ്രീകണ്‌ഠപുരം പള്ളത്തെ അഴകത്ത്‌ വീട്ടില്‍ വിനയന്റെ വീട്ടുപറമ്പിലെ തെങ്ങിനാണ്‌ ഇന്നലെ രാവിലെ 9.45 ന്‌ തീപിടിച്ചത്‌. തളിപ്പറമ്പ്‌ അഗ്നിശമന നിലയത്തില്‍ നിന്നും സ്‌റ്റേഷന്‍ ഓഫീസര്‍ കെ.വി. സഹദേവന്റെ നേതൃത്വത്തിലുള്ള സംഘമാണ്‌ വെള്ളം ചീറ്റി തീയണച്ചത്‌. കെ.എസ്‌.ഇ.ബി ഉദ്യോഗസ്‌ഥരും വിവരമറിഞ്ഞ്‌ സ്‌ഥലത്തെത്തിയിരുന്നു.