ആയുര്വേദ ആശുപത്രി മേഖല ചൂണ്ടിക്കാട്ടിയ അപാകം ഗൗരവമായി കാണുന്നുവെന്നു വി.എന്. വാസവന്
കോട്ടയം: ക്ലിനിക്കല് എസ്റ്റാബ്ലിഷ്മെന്റ് ആക്ടില് ആയുര്വേദ ആശുപത്രി മേഖല ചൂണ്ടിക്കാട്ടിയ അപാകം ഗൗരവമായി കാണുന്നുവെന്നും സര്ക്കാരിന്റെ ശ്രദ്ധയില്പ്പെടുത്തുമെന്നും മന്ത്രി വി.എന്. വാസവന്. സ്വകാര്യ ആയുര്വേദ ആശുപത്രികളുടെ സംഘടനയായ ആയുര്വേദ ഹോസ്പിറ്റല് മാനേജ്മെന്റ്സ് അസോസിയേഷന് വാര്ഷിക ജനറല് ബോഡി ഉദ്ഘാടനം ചെയ്യുകയായിരുന്നു അദ്ദേഹം.
മെഡിസെപ് പദ്ധതിയില് ആയുര്വേദത്തെ ഉള്പ്പെടുത്തണമെന്ന ആവശ്യവും ന്യായമാണ്. മറ്റു ചികിത്സാ ശാഖകള് പൂര്ണമായും ചിലികിത്സിച്ചു ഭേദമാക്കാന് കഴിയില്ല എന്നു പറയുന്ന പല അസുഖങ്ങള്ക്കും ആയുര്വേദത്തില് ഫലപ്രദമായ ചികിത്സയുണ്ടെന്നു ഉദാഹരണങ്ങള് സഹിതം മന്ത്രി ചൂണ്ടിക്കാട്ടി.ഐ.എച്ച്.എം.എ. സംസ്ഥാന പ്രസിഡന്റ് ഡോ. സനല്കുമാര് കുറിഞ്ഞിക്കാട്ടില് അധ്യക്ഷത വഹിച്ചു.
കോട്ടക്കല് ആര്യവൈദ്യശാല മാനേജിങ് ട്രസ്റ്റി ഡോ. പി.എം. വാര്യര്,സംസ്ഥാന സെക്രട്ടറി ഡോ. രമാകുമാരി , ജനറല് സെക്രട്ടറി ഡോ.ഇടൂഴി ഉണ്ണികൃഷ്ണന്, ട്രഷറര് ഡോ. ലിജു മാത്യു, ഡോ. രവികുമാര് കല്യാണിശേരില് എന്നിവര് പ്രസംഗിച്ചു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
