പാണ്ടിപ്പാറയില് വെളിച്ചെണ്ണ ഉത്പാദന കേന്ദ്രത്തിന് തീപിടിച്ച് ലക്ഷങ്ങളുടെ നഷ്ടം
ചെറുതോണി പാണ്ടിപ്പാറയില് പ്രവര്ത്തിച്ചിരുന്ന നയന ഓയില് മില്സ് എന്ന വെളിച്ചെണ്ണ ഉത്പാദന കേന്ദ്രത്തിന് തീപിടിച്ച് ലക്ഷങ്ങളുടെ നഷ്ടം. എരപ്പൂഴിക്കര സന്തോഷിന്റെ ഉടമസ്ഥതയിലുള്ളതാണ് സ്ഥാപനം.
പാണ്ടിപ്പാറ സെ്ന്റ് ജോസഫ് ദേവാലയത്തിന്റെ ഉടമസ്ഥതയിലുള്ള കെട്ടിടത്തിലാണ് എണ്ണ ഉല്പാദന കേന്ദ്രം പ്രവര്ത്തിച്ചിരുന്നത്. ഞായറാഴ്ച പുലര്ച്ചെ അഞ്ചരയോടെയാണ് തീപടര്ന്നത്. പാണ്ടിപ്പാറ സെന്റ് ജോസഫ് ദേവാലയത്തില് തിരുനാള് ആഘോഷങ്ങള് നടക്കുന്നതിനാല് സമീപപ്രദേശങ്ങളില് എല്ലാം ആളുകള് ഉണ്ടായിരുന്നു.
തീ പടരുന്നത് ശ്രദ്ധയില് പ്പെട്ട് ജനങ്ങള് അറിയിച്ചതിനെ തുടര്ന്ന് ഇടുക്കിയില് നിന്നും കട്ടപ്പനയില് നിന്നുമായി നാല് യൂണിറ്റ് അഗ്നിരക്ഷാ സേനാംഗങ്ങള് എത്തി രണ്ടര മണിക്കൂര് പ്രയത്നിച്ചാണ് തീയണച്ചത്.
വൈദ്യുതി ഷോര്ട്ട് സര്ക്യൂട്ടാകാം തീ പിടിത്തത്തിന് കാരണമെന്നാണ് പ്രാഥമിക നിഗമനം. മന്ത്രി റോഷി അഗസ്റ്റിന്, കാമാക്ഷി പഞ്ചായത്ത് പ്രസിഡന്റ് ബിജു നെടുംചേരില് തുടങ്ങിയ ജനപ്രതിനിധികള് സംഭവ സ്ഥലം സന്ദര്ശിച്ചു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
