മൊബൈല് ഫോണില് സംസാരിച്ച് നടക്കവെ കിണറില് വീണ് യുവാവിന് പരുക്കേറ്റു
തളിപ്പറമ്പ്: മൊബൈല് ഫോണില് സംസാരിക്കുന്നതിനിടയില് കിണറില് വീണ യുവാവിന് പരുക്കേറ്റു. പട്ടുവം സ്വദേശിയായ ആകാശ്(20)ആണ് വെള്ളിയാഴ്ച്ച രാത്രി ഒന്പതരയോടെ കാര്യാമ്പലം അമ്പാടിറോഡിലെ കിണറില് വീണത്. അഗ്നിരക്ഷാസേന എത്തി സാഹസികമായിട്ടാണ് ഇയാളെ പുറത്തെടുത്തത്.
സുഹൃത്തിന്റെ വീട്ടിലെത്തിയ ആകാശ് ഫോണില് സംസാരിച്ച് നടക്കവെ നിര്മ്മാണം നടന്നുവരുന്ന വീടിന്റെ ആള്മറയില്ലാത്ത കിണറില് വീഴുകയായിരുന്നു. കിണറില് കെട്ടിയ നെറ്റില് തങ്ങിനിന്ന ആകാശിനെ തളിപ്പറമ്പ് അഗ്നിശമനനിലയത്തില് നിന്നും ഗ്രേഡ് സ്റ്റേഷന് ഓഫീസര് കെ.വി.സഹദേവന്റെ നേതൃത്വത്തിലുള്ള സംഘമാണ് പുറത്തെടുത്തത്.
പരുക്കേറ്റ ആകാശിനെ പരിയാരത്തെ കണ്ണൂര് ഗവ.മെഡിക്കല് കോളജില് പ്രവേശിപ്പിച്ചു. 25 അടി ആഴമുള്ള കിണറില് വെള്ളമുണ്ടായിരുന്നുവെങ്കിലും നെറ്റില് തങ്ങിനിന്നതിനാല് വെള്ളത്തില് പതിച്ചില്ല.
ഫയര് ആന്റ് റെസക്യൂ ഓഫീസര്മാരായ എം.വിനയദാസ്, പി.വി.ലിഗേഷ്, കെ.വി.അനൂപ്, എ.അനൂപ്, സി.പി.രാജേന്ദ്രകുമാര് എന്നിവരും രക്ഷാസംഘത്തില് ഉണ്ടായിരുന്നു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
