പെരിഞ്ചാന്കുട്ടി ഭൂരഹിതര് മന്ത്രിയുടെ ഓഫീസിലേക്ക് പ്രതിഷേധ മാര്ച്ച് നടത്തി
ചെറുതോണി: പെരിഞ്ചാന് കുട്ടി ഭൂരഹിത ആദിവാസി കുടുംബങ്ങളുടെ നേതൃത്വത്തില് വിവിധ ആവശ്യങ്ങള് ഉന്നയിച്ച് മന്ത്രി റോഷി അഗസ്റ്റിന്റെ ഓഫീസ് പടിക്കലേക്ക് പ്രതിഷേധ മാര്ച്ച് നടത്തി. പെരിഞ്ചാന് കുട്ടി സമരസമിതിയില്പ്പെട്ട അര്ഹരായ കുടുംബങ്ങള്ക്ക് സര്ക്കാര് പ്രഖ്യാപിച്ച ഭൂമി പതിച്ചു നല്കാത്തതില് പ്രതിഷേധിച്ചാണ് സമരം സംഘടിപ്പിച്ചത്. ചെങ്ങറ ഭൂ സമര നായകന് എസ്. രാജീവ് സമരം ഉദ്ഘാടനം ചെയ്തു.
പെരിഞ്ചാകുട്ടി പ്ലാന്റേഷനില് കുടില് കെട്ടിയ അര്ഹരായ ആദിവാസി കുടുംബങ്ങള്ക്ക് ഒരേക്കര് വീതം ഭൂമി പതിച്ചു നല്കുമെന്ന് മുന്പ് സര്ക്കാര് പ്രഖ്യാപനമുണ്ടായിരുന്നു. മുഖ്യമന്ത്രിയുടെ നേതൃത്വത്തില് റവന്യൂ മന്ത്രി ഉള്പ്പെടെ ആദിവാസികളുമായി നടത്തിയ ചര്ച്ചയില് എടുത്ത തീരുമാനം കഴിഞ്ഞ എട്ടു വര്ഷമായി സര്ക്കാര് പിന്നീട് നടപ്പിലാക്കില്ലെന്ന് ആരോപിച്ചാണ് ആദിവാസി ഭൂ സംരക്ഷണ സമരസമിതിയുടെ നേതൃത്വത്തില് മന്ത്രി റോഷി അഗസ്റ്റിന്റെ ഓഫീസിലേക്ക് പ്രതിഷേധ മാര്ച്ച് സംഘടിപ്പിച്ചത്. ചെറുതോണി ടൗണില് നടന്ന യോഗത്തിന് ശേഷം മന്ത്രിയുടെ ഓഫീസ് പടിക്കല് നടത്തിയ സമരത്തില് ജില്ലയുടെ വിവിധ ഭാഗങ്ങളില് നിന്നുള്ള നിരവധി പേര് പങ്കെടുത്തു. പല തവണ ജില്ലാ കലക്ടറെ ഇക്കാര്യത്തിനായി സമീപിച്ചെന്നും ഇടുക്കിയില് നിന്നുള്ള മന്ത്രി റോഷി അഗസ്റ്റിന് ഉള്പ്പെടെ ഇക്കാര്യത്തില് ഇടപെടുന്നില്ലന്നും സമരസമിതി രക്ഷാധികാരി ജോസ് ചാണ്ടി പറഞ്ഞു. സമരസമിതി നേതാക്കളായ എം.ബി രാജശേഖരന്, പി.എന് മോസസ്, എ.കെ കൃഷന് ടി.ജെ.പീറ്റര് എലിസബത്ത് മാമന് എന്നിവര് പ്രസംഗിച്ചു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
