വിദ്യാലയങ്ങള്ക്ക് ഇന്സിനറേറ്ററും കോളജുകളില് മെന്സ്ട്രുവല് കപ്പും നല്കുമെന്ന് ഹരിത കേരളം മിഷന്
മലപ്പുറം: ഹരിത കേരളം മിഷന്റെ ആഭിമുഖ്യത്തില് നടപ്പിലാക്കുന്ന സാനിറ്ററി മാലിന്യ സംസ്കരണത്തിന്റെ ഭാഗമായി ജില്ലയിലെ 31 വിദ്യാലയങ്ങള്ക്ക് ഇന്സിനറേറ്ററും കോളജുകളില് മെന്സ്ട്രുവല് കപ്പും നല്കും. ആര്ത്തവ ശുചിത്വ പരിപാടിയുടെ ഭാഗമായി ജനപ്രതിനിധികള്ക്കും അധ്യാപകര്ക്കും പരിശീലനം നല്കി. തദ്ദേശ സ്വയം ഭരണ വകുപ്പ് ജോയിന്റ് ഡയറക്ടര് ഓഫീസ് ഹാളില് നടന്ന പരിശീലനത്തില് ഹരിത കേരളം മിഷന് ജില്ലാ കോര്ഡിനേറ്റര് ഡോ. പി. സീമ ക്ലാസെടുത്തു. പരിപാടിയുടെ ഭാഗമായി നെറ്റ് സീറോ കാര്ബണ് പദ്ധതിയില് ഉള്പ്പെടുത്തിയ അഞ്ച് തദ്ദേശ സ്വയം ഭരണ സ്ഥാപനങ്ങളിലെ കുടുംബശ്രീ അംഗങ്ങള്ക്കും മെന്സ്ട്രുവല് കപ്പുകള് അനുവദിക്കുന്നുണ്ട്.
പൊതുമേഖല സ്ഥാപനമായ എച്ച്.എല്.എല്. വഴി പൂര്ണ്ണമായും സൗജന്യമായാണ് ഇന്സിനറേറ്ററും മെന്സ്ട്രുവല് കപ്പും നല്കുന്നത്. ഉയര്ന്ന ഊഷ്മാവില് സാനിറ്ററി പാഡുകള് ദഹിപ്പിച്ചുകളയുന്ന തരത്തിലുളള ഇന്സിനറേറ്ററുകളാണ് ഹിന്ദുസ്ഥാന് ലൈഫ് കെയര് വഴി സ്കൂളുകളില് സ്ഥാപിക്കുന്നത്. 2024-25 വര്ഷം സംസ്ഥാന ബജറ്റില് 322 ഇന്സിനറേറ്റര് അനുവദിക്കുന്നതിന് തുക വകയിരുത്തിയിട്ടുണ്ട്.
അജൈവ മാലിന്യ സംസ്ക്കരണ രംഗത്ത് വെല്ലുവിളിയായി കൊണ്ടിരിക്കുന്ന സാനിറ്ററി പാഡുകളുടെ ഉപയോഗം കുറച്ചു കൊണ്ടുവരുന്നതിന്നുള്ള ഇടപെടല് എന്ന നിലയില് മെന്സ്ട്രുവല് കപ്പ് ഉപയോഗവുമായി ബന്ധപ്പെട്ട് ആവശ്യമായ പരിശീലനവും ബോധവല്ക്കരണവും ഹരിത കേരളം മിഷന് നല്കുന്നുണ്ട്.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
