ബാര് ജീവനക്കാരനെ കൊലപ്പെടുത്താന് ശ്രമിച്ച കേസിലെ പ്രധാന പ്രതി അറസ്റ്റില്
പുതുപ്പള്ളി: ബാര് ജീവനക്കാരനെ ആക്രമിച്ചു കൊലപ്പെടുത്താന് ശ്രമിച്ച കേസിലെ പ്രധാന പ്രതി അറസ്റ്റില്. പുതുപ്പളളി ചെമ്മരപ്പളളി ഭാഗത്ത് ഇഞ്ചകാട്ടുകുന്നേല് വീട്ടില് എസ്. ജോഷ്വ (22) നെ പുതുപ്പളളിയില് ഉളള വീട്ടില് നിന്നാണ് അറസ്റ്റു ചെയ്തത്.
ജനുവരി 29ന് വൈകിട്ട് പുതുപ്പള്ളി കൈതേപ്പാലം ഭാഗത്ത് ബാര് ഹോട്ടലിന്റെ പാര്ക്കിങ് ഗ്രൗണ്ട ഭാഗത്തു വെച്ച് ബാറിലെ സ്റ്റാഫുകളെ ചീത്തവിളിച്ചു ബഹളം വയ്ക്കുന്ന സമയം ചോദ്യം ചെയ്ത ജീവനക്കാരനെ ഒന്നു മുതല് അഞ്ചുവരെ പ്രതികള് ചേര്ന്നു ദേഹോപദ്രവം ഏല്പ്പിക്കുകയും ബിയര് കുപ്പി കൊണ്ട് മുഖത്തിനടിച്ചു മാരകമായി പരുക്കേല്പ്പിക്കുകയും ചെയ്ത സംഭവത്തില് കോട്ടയം ഈസ്റ്റ് പോലീസ് കേസെടുത്തു അന്വേഷണം നടത്തിവരവേയാണ് അറസ്റ്റ്.
പ്രതി നിരവധി ക്രിമിനല് കേസുകളിലെ പ്രതിയും കോട്ടയം ഈസ്റ്റ് പോലീസ് സ്റ്റേഷന് റൗഡി ലിസ്റ്റില് ഉള്പ്പെട്ട ആളാണ്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. മറ്റു പ്രതികള്ക്കായി അന്വേഷണം നടന്നുവരുന്നു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
