റോഡ് വികസനത്തിനു സ്ഥലം വിട്ടു നല്കിയ കുടുംബത്തിനിപ്പോള് ഉറക്കമില്ലാ രാവുകള്
റോഡ് വീതികൂട്ടി മെക്കാഡം ടാറിങ്ങ് നടത്തുന്നതിനു സ്ഥലം വിട്ടു നല്കിയ കുടുംബങ്ങള്ക്കിപ്പോള് ഉറക്കമില്ലാത്ത രാത്രികളാണ്. ചുടല അമ്മാനപ്പാറ ചപ്പാരപ്പടവ് റോഡ് നിലവിലെ വീതി കൂട്ടി ഒമ്പത് മീറ്റര് വീതിയില് മെക്കാഡം റോഡ് ടാറിങ് പൂര്ത്തിയായി. റോഡിന്റെ വികസനത്തിനായി ഇരുവശത്തെയും ഭൂഉടമകള് സാജന്യമായി സ്ഥലം വിട്ടു നല്കുകയായിരുന്നു. ആകെയുള്ള പത്തൊന്പതു സെന്റ് സ്ഥലത്ത് ചെറിയൊരു വീടുണ്ടായിരുന്ന ചപ്പാരപ്പടവ് വിലേജ് ഓഫീസ് ജംഗഷനു സമീപം പറക്കോട്ടെ എം.പി അബ്ദു സലാമും 2 സെന്റോളം സ്ഥലം വിട്ടു നല്കിയിരുന്നു. റോഡരികില് 50 മീറ്ററോളം നീളത്തില് സ്ഥലമാണ് നല്കിയത്.
തുടര്ന്ന് റോഡ് ഉയര്ത്തിയപ്പോള് സലാമിന്റെ വീട് താഴ്ചയിലാവുകയും മേല്ക്കൂരയോളം ചേര്ന്ന് റോഡിന്റെ അരിക് ഭിത്തി നിര്മ്മിക്കുകയും ചെയ്തു. വീടിനു സംരഷണം ഒരുക്കുന്നതിനു റോഡിനും വീടിനും ഇടയില് സംരക്ഷണഭിത്തി പണിയണമെന്നാണ് കുടുംബത്തിന്റെ ആവശ്യം. വീടിന്റെ മറുവശത്താവട്ടെ ചപ്പാരപ്പടവ് പുഴയാണ്. പുഴയിലേക്ക് വീട്ടില് നിന്നും 5 മീറ്ററോളം മാത്രമാണ് ദൂരം.മഴക്കാലത്ത് മലവെള്ളം മുറ്റത്തോളം എത്തും. റോഡ് നവീകരിച്ചതിന്റെ ഫലമായി തിരക്കേറിയ വാഹന ഗതാഗതമാണ് ഇതു വഴിയുള്ളത്. രാത്രിക്കാലത്ത് വീടിനു തൊട്ടടുത്ത് മുകളിലൂടെ വാഹനങ്ങള് ചീറിപ്പായുന്ന ശബ്ദവും അപകട ഭീഷണിയും ഉറക്കം കെടുത്തുകയാണെന്ന് കുടുംബം പറയുന്നു.
ഭാര്യയും മകളും മൂന്ന് കുട്ടികളുമടങ്ങുന്ന അബ്ദുള് സലാമിന്റെ കുടുംബം തികഞ്ഞ ആശങ്കയോടെയാണ് ദിവസവും കഴിച്ചു കൂട്ടുന്നത്.മഴചെയ്താല് ഉയരമുള്ള റോഡില് നിന്നും മഴ വെള്ളം മുഴുവന് വീട്ടു ചുമരിന്മേലും ഗ്രില്സിലൂടെ വീടിനകത്തേക്ക് വീഴുകയും ചെയ്ുയന്നു. റോഡിനും വീടിനും ഇടയില് സംരക്ഷണ ഭിത്തി പണിയുകയും സമീപത്തായി അപകട മുന്നറിയിപ്പു ബോര്ഡുകള് സ്ഥാപിക്കണമെന്നും കുടുംബം നിര്മ്മാണ കരാറുകാരോടും പൊതുമരാമത്തു ഉദാ്യേഗസ്ഥരോടും ആവശ്യപ്പെട്ടിരുന്നുവെങ്കിലും നടപടി ഉണ്ടായിട്ടില്ല. തളിപ്പറമ്പ് എം.എല്.എ, എം.വി ഗോവിന്ദന് മാസ്റ്റര്ക്കും ,മുഖ്യമന്ത്രിക്കും പരാതി നല്കാന് ഒരുങ്ങുയാണ് അബ്ദുള് സലാമും തൊട്ടടുത്ത അയല്വാസികളായ മറ്റു രണ്ടു കുടുംബങ്ങളും.
എ.വി. പ്രകാശന് നടുവില്
ആലക്കോട്
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
