സി.ജെ. റോയ് ആത്മഹത്യചെയ്ത സംഭവം പ്രതിഷേധാര്ഹം: വ്യാപാരി വ്യവസായി സമിതി
പത്തനംതിട്ട: ഇന്കം ടാക്സ് ഉദ്യോഗസ്ഥരുടെ നിരന്തരമായ ചോദ്യം ചെയ്യലും മാനസിക ശല്യം ചെയ്യലും മൂലം മനംനൊന്ത് കോണ്ഫിഡന്റ് ഗ്രൂപ്പ് ഉടമ ഡോ. സി. ജെ. റോയ് ആത്മഹത്യ ചെയ്ത സംഭവം അത്യന്തം ദുഃഖകരവും പ്രതിഷേധാര്ഹവുമാണെന്ന് കേരള സംസ്ഥാന വ്യാപാരി വ്യവസായി സമിതി ജില്ലാ കമ്മിറ്റി അഭിപ്രായപ്പെട്ടു. ഒരു സംരംഭകനെ മാനസികമായി തകര്ക്കുന്ന നടപടികള് അംഗീകരിക്കാനാവില്ലെന്നും സമിതി വ്യക്തമാക്കി.സംഭവത്തിന് ഉത്തരവാദികളായ ഉദ്യോഗസ്ഥര്ക്കെതിരെ കര്ശന നടപടി സ്വീകരിക്കണമെന്നും, ഇത്തരം അതിക്രമങ്ങള് ആവര്ത്തിക്കപ്പെടാതിരിക്കാനുള്ള വ്യക്തമായ മാര്ഗനിര്ദേശങ്ങള് കേന്ദ്ര-സംസ്ഥാന സര്ക്കാരുകള് തയ്യാറാക്കണമെന്നും ആവശ്യപ്പെട്ട് സമിതി പ്രതിഷേധ യോഗം സംഘടിപ്പിച്ചു.ജില്ലാ പ്രസിഡന്റ്് ബിജു വര്ക്കി അധ്യക്ഷനായ യോഗത്തില് സെക്രട്ടറി റോഷന് ജേക്കബ്, റെജീന സലീം, പി. കെ. ജയപ്രകാശ്, അബ്ദുല് റഹീം മാക്കാര്, ഗീവര്ഗീസ് പാപ്പി, മനോഹരന്പിള്ള, ഷമീര് ബീമ, മോനായികട്ടച്ചിറ,രാജഗോപാല് , സിബിന് സി തോമസ്, പുഷ്പരാജന്, സണ്ണി തുടങ്ങിയവര് സംസാരിച്ചു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
