മൂര്ത്തിട്ട- മുക്കാത്താരി റോഡ് നിര്മ്മാണത്തിന് തുടക്കമായി
മാന്നാര്: തകര്ന്നുകിടക്കുന്ന പാവുക്കര മൂര്ത്തിട്ട മുക്കാത്താരി റോഡിന്റെ നിര്മ്മാണ പ്രവര്ത്തനങ്ങള് ആരംഭിച്ചു. കരാര് ഏറ്റെടുത്ത ഊരാളുങ്കല് സൊസൈറ്റിയുടെ തൊഴിലാളികള് ഇന്നലെ റോഡിന്റെ ലെവല്സ് നടപടികള്ക്ക് തുടക്കം കുറിച്ചു.
ഗ്രാമ പഞ്ചായത്ത് പ്രസിഡന്റ് ബി.കെ പ്രസാദ് , ബ്ലോക്ക് പഞ്ചായത്ത് അംഗം ഹസീന സലാം , ഗ്രാമ പഞ്ചായത്ത് അംഗങ്ങളായ ടൈറ്റസ് പി.കുര്യന്, ലേഖന കുമാരി , ചാക്കോ കയ്യത്ര, കലാധരന് കൈലാസം, സി.പി.എം ഏരിയാ സെക്രട്ടറി പി.എന് ശെല്വരാജന് , കെ.എം അശോകന്, ടി.ജി മനോജ്, ഷാജി മാനാംപടവില്, സുധീര് എലവണ്സ്, റഷീദ് തൈക്കൂട്ടത്തില് തുടങ്ങിയവര് പങ്കെടുത്തു. പടിഞ്ഞാറന് മേഖലയില് വര്ഷങ്ങളായി തകര്ന്നുകിടക്കുന്ന മാന്നാര് പാവുക്കര മൂര്ത്തിട്ട-മുക്കാത്താരി ബണ്ട് റോഡിന്റെ നിര്മ്മാണ പ്രവര്ത്തങ്ങള്ക്കായി സ്ഥലം എം.എല്.എ കൂടിയായ മന്ത്രി സജി ചെറിയാന് റീബില്ഡ് കേരള പദ്ധതിയില് ഉള്പ്പെടുത്തി 19.23 കോടി രൂപയാണ് അനുവദിച്ചത്.
ആദ്യം കരാര് ഏറ്റെടുത്ത കമ്പനി കൈയ്യൊഴിഞ്ഞതിനെത്തുടര്ന്ന് നിര്മ്മാണം അനിശ്ചിതത്വത്തിലായ ഈ റോഡിന്റെ നിര്മ്മാണത്തിനായി മന്ത്രി സജി ചെറിയാന് നടത്തിയ ശ്രമങ്ങളുടെ ഫലമായിട്ടാണ് കരാര് ഏറ്റെടുക്കാന് ഊരാളുങ്കല് സൊസൈറ്റി മുന്നോട്ട് വന്നത്. പാടശേഖരത്തിന്റെ നടുവിലൂടെ കടന്നുപോകുന്ന മൂന്നുമീറ്റര് മാത്രം വീതിയില് 4.5 കി.മീ ദൈര്ഘ്യമുളള മൂര്ത്തിട്ട-മുക്കാത്താരി ബണ്ട് റോഡ് വീതി കൂട്ടി ഇരുവശവും സംരക്ഷണ ഭിത്തികെട്ടി കോണ്ക്രീറ്റ് ചെയ്യുവാനാണ് കരാര്. ഇതിനായി വൈദ്യുത തൂണുകള് മാറ്റിയിടുന്നതിനായി മന്ത്രി സജി ചെറിയാന്റെ നേതൃത്വത്വത്തില് വൈദ്യുതി ബോര്ഡ് ഉദ്യോഗസ്ഥരുമായി ചര്ച്ചകള് നടത്തി നടപടികള് ആരംഭിച്ചിട്ടുണ്ട്.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
