സ്റ്റീല് അലമാര കുത്തിത്തുറന്ന് അമ്പത് പവന് മോഷ്ടിച്ചു
പന്തളം: കുളനടയില് വന് കവര്ച്ച. കൈപ്പുഴ ലഷ്മി നികേതനില് ബിജു നാഥിന്റെ വീട്ടിലാണ് മോഷണം. വീടിന്റെ കിടപ്പുമുറിയിലെ സ്റ്റീല് അലമാര കുത്തി തുറന്ന്, അതില് സൂക്ഷിച്ചിരുന്ന അന്പത് പവനനോളം വരുന്ന സ്വര്ണ്ണാഭരണങ്ങളാണ് മോഷ്ടാക്കള് അപഹരിച്ചത്. ബിജു നാഥും ഭാര്യയും ബഹറിനിലാണ്. വീട്ടില് മാതാവ് ഓമനയമ്മ (75)മാത്രമാണ് താമസം. വൈകുന്നേരം വീട് പൂട്ടി അടുത്ത് താമസിക്കുന്ന മൂത്ത മകന് ബിനുവിന്റെ വീട്ടിലാണ് ഉറക്കം. ബുധനാഴ്ച വൈകിട്ട് ഏഴ് മണിയോടെ വീട് പൂട്ടി പോയ ഓമനയമ്മ രാവിലെ ആറു മണിയോടുകൂടി തിരികെ എത്തി വിട് തുറന്നപ്പോഴാണ് മോഷണ വിവരം അറിയുന്നത്.
ഉടന് ബന്ധുക്കളെയും പോലീസിനേയും അറിയിക്കുകയായിരുന്നു. വിരലടയാള വിദഗ്ദരും ഡോഗ് സ്ക്വാഡും പരിശോധന നടത്തി. ഡി.വൈ.എസ്.പി. ജി. സന്തോഷ് കുമാറിന്റെ മേല്നോട്ടത്തില് കൊടുമണ് സി. ഐ. ശ്രീലാല് ചന്ദ്രശേഖരന്, എസ്.ഐ.മാരായ വിഷണു,ശരത് കൃഷ്ണന് എന്നിവരുടെ നേതൃത്വത്തില് അന്വേഷണം തുടങ്ങി.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
