പഴവര്ഗ പോഷകത്തോട്ടങ്ങള്
കോട്ടയം: വിദ്യാഭ്യാസ സ്ഥാപനങ്ങളില് പഴവര്ഗ പോഷകത്തോട്ടങ്ങള് സ്ഥാപിക്കുന്നതിനുള്ള പ്രത്യേക ക്യാമ്പയിനുമായി ഹോര്ട്ടിക്കള്ച്ചര് മിഷന്. സംസ്ഥാന കൃഷിവകുപ്പിന്റെ പോഷക സമൃദ്ധി മിഷന്റെ ഭാഗമായി ഹോര്ട്ടിക്കള്ച്ചര് മിഷന് നടപ്പാക്കി വരുന്ന രാഷ്ര്ടീയ കൃഷി വികാസ് യോജന പഴവര്ഗ പോഷകത്തോട്ട പദ്ധതിയില് ഉള്പ്പെടുത്തിയാണു ക്യാമ്പയിന് സംഘടിപ്പിക്കുന്നത്.
സംസ്ഥാനത്ത 4500 പഴവര്ഗ പോഷകത്തോട്ട യൂണിറ്റുകള് സ്ഥാപിക്കാനാണ് പദ്ധതി ലക്ഷ്യമിടുന്നത്.
ഓരോ ജില്ലയിലും ശരാശരി 300 പോഷകത്തോട്ട യൂണിറ്റുകള് വീതമാണ് നടപ്പിലാക്കുക. ഹയര് സെക്കന്ഡറി വിഭാഗങ്ങളിലുള്ള വിദ്യാഭ്യാസ സ്ഥാപനങ്ങള്ക്കു മുന്ഗണന നല്കും. ഗ്രീന് കേഡറ്റ് കോര്പ്സ് തുടങ്ങിയ വിദ്യാര്ഥി കൂട്ടായ്മകളുടെ നേതൃത്വത്തിലും സമ്പൂര്ണ വിദ്യാര്ഥി പങ്കാളിത്തത്തിലുമായിരിക്കും പദ്ധതി നടപ്പിലാക്കുന്നത്.
കുറഞ്ഞത് 10 സെന്റ് കൃഷിഭൂമി ലഭ്യമായ വിദ്യാഭ്യാസ സ്ഥാപനങ്ങളെയാണ് പദ്ധതിയിലേക്ക് തെരഞ്ഞെടുക്കുക. ഒരു സ്ഥാപനത്തിനു അഞ്ച് യൂണിറ്റുകള് വരെ (50 സെന്റ്) അനുവദിക്കും. മാവ്, പ്ലാവ്, പപ്പായ, പേരയ്ക്ക, നെല്ലി, സപ്പോട്ട, റംബുട്ടാന്, പാഷന് ഫ്രൂട്ട്, നാരകം, വെസ്റ്റ് ഇന്ത്യന് ചെറി തുടങ്ങി ഓരോ പ്രദേശത്തിനും അനുയോജ്യമായ പഴവര്ഗ ഇനങ്ങള് പോഷകത്തോട്ടങ്ങളില് ഉള്പ്പെടുത്തും. ഇതിനാവശ്യമായി വരുന്ന പഴവര്ഗ തൈകള് സൗജന്യമായി വിതരണം ചെയ്യും.
ഹോര്ട്ടിക്കള്ച്ചര് മിഷന്റെയും കൃഷിവകുപ്പിന്റെയും അനുയോജ്യമായ മറ്റു പദ്ധതികളെക്കൂടി സംയോജിപ്പിച്ചായിരിക്കും ഇത് നടപ്പാക്കുന്നത്. ഫെബ്രുവരി ആദ്യം ക്യാമ്പയിന് ആരംഭിക്കാനാണു ലക്ഷ്യമിടുന്നത്.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
