ശാസ്താംപാറയില് വീട് കത്തിനശിച്ചു
തൊടുപുഴ: ഇടവെട്ടി ശാസ്താംപാറയില് വീട് കത്തിനശിച്ചു. തുരുത്തേല് നിജി ദേവസ്യ വാടകയ്ക്ക് നല്കിയിരുന്ന വീടാണ് അഗ്നിക്കിരയായത്. ഇന്നലെ ഉച്ചയ്ക്ക് 12നാണ് സംഭവം. ഷോര്ട്ട് സര്ക്യൂട്ടാണ് കാരണമെന്നാണ് നിഗമനം.
ജോജി ജോണ് നെടുപുറത്താണ് ഈ വീട്ടില് വാടകയ്ക്ക് താമസിക്കുന്നത്. പൂര്ണമായും ഓടിട്ട വീടാ യിരുന്നു. സംഭവസമയം താമസക്കാര് വീട്ടില് ഇല്ലാതിരുന്നതിനാല് വലിയ അപകടം ഒഴിവായി. അയല്വാസികളാണ് വീട്ടില് നിന്ന് തീ ഉയരുന്നതായി കണ്ടത്. ഗൃ ഹോപകരണങ്ങളും കുട്ടികളുടെ പുസ്തകങ്ങളും രേഖകളുമടക്കം വലിയ നാശനഷ്ടമുണ്ടായി. ജോജിയും ഭാര്യയും പണിക്ക് പോയിരിക്കുകയായിരുന്നു. രണ്ട് കുട്ടികള് സ്കൂളിലും പോയിരിക്കുകയായിരുന്നു.
നാട്ടുകാരും തൊടുപുഴ അഗ്നിരക്ഷാസേനയും ചേര്ന്ന് തീയണച്ചു. വീട്ടിലെ താമസക്കാരെ നിലവില് മറ്റൊരിടത്തേക്ക് മാറ്റി പാര്പ്പിച്ചു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
