കോണ്ഗ്രസ് നുണപ്രചാരണം നടത്തുന്നു
കട്ടപ്പന: കോണ്ഗ്രസും യു.ഡി.എഫും നുണപ്രചാരണം നടത്തുമ്പോള്, പിണറായി സര്ക്കാര് ജനക്ഷേമ പദ്ധതികള് നടപ്പാക്കി ജനങ്ങളുമായി വികസനം ചര്ച്ച ചെയ്ത് മുന്നോട്ടുപോകുകയാണെന്ന് സി.പി.എം ജില്ലാ സെക്രട്ടറി സി.വി വര്ഗീസ്. സി.പി.എം നയവിശദീകരണ യോഗം കട്ടപ്പന വള്ളക്കടവില് ഉദ്ഘാടനം ചെയ്യുകയായിരുന്നു അദ്ദേഹം. ലോകത്തിനും രാജ്യത്തിനും മാതൃകയായി കേരളം മുന്നേറി.
മതനിര പേക്ഷത സംരക്ഷിച്ച് അഴിമതിരഹിത സംസ്ഥാനമാക്കി മാറ്റി. പ്രകടന പത്രികയിലെ വാഗ്ദാനങ്ങള് ഒന്നൊന്നായി നടപ്പാക്കി. ആരോഗ്യം, വിദ്യാഭ്യാസം, പശ്ചാത്തലം, വ്യവസായം തുടങ്ങി എല്ലാ മേഖലകളിലും വികസന മുന്നേറ്റം സൃഷ്ടിച്ചു. അതേസമയം കോണ്ഗ്രസും യു.ഡി.എഫും പ്രളയങ്ങള് ഉണ്ടാകുമ്പോള് ഫണ്ട് പിരിവുനടത്തി ജനത്തെ കബളിപ്പിക്കുന്നു. രാഹുല് മാങ്കൂട്ടത്തിലിനെപ്പോലെയുള്ള കൊടുംക്രിമിനലുകളെ സംരക്ഷിക്കുന്നു. കേരളത്തില് ഭരണവിരുദ്ധ വികാരമില്ലെന്ന് കനഗേലു തന്നെ വ്യക്തമാക്കിയിട്ടും പ്രതിപക്ഷം ചില പുകമറകള് സൃഷ്ടിക്കുകയാണെന്നും അദ്ദേഹം പറഞ്ഞു. ഈസ്റ്റ് ലോക്കല് സെക്രട്ടറി ഫൈസല് ജാഫര് അധ്യക്ഷനായി. ജില്ലാ കമ്മിറ്റിയംഗം വി.ആര് സജി, ഏരിയ സെക്രട്ടറി മാത്യു ജോര്ജ്, ഏരിയ കമ്മിറ്റിയംഗങ്ങളായ പൊന്നമ്മ സുഗതന്, സി.ആര് മുരളി, നിയാസ് അബു, സൗത്ത് ലോക്കല് സെക്രട്ടറി ലിജോബി ബേബി, നോര്ത്ത് ലോക്കല് സെക്രട്ടറി സിജോ മാത്യു എന്നിവര് പ്രസംഗിച്ചു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
