ബ്രഹ്മഗിരി കള്ളപ്പണ ഇടപാട്; ബി.ജെ.പി മാര്ച്ചില് പ്രതിഷേധം ആളിക്കത്തി
ബത്തേരി: സി.പി.എം നിയന്ത്രണത്തിലുള്ള ബ്രഹ്മഗിരി സൊസൈറ്റിയിലെ കള്ളപ്പണ ഇടപാടില് പ്രതിഷേധിച്ച് ബത്തേരി യൂണിയന് ബാങ്കിലേക്ക് ബി.ജെ.പി പ്രതിഷേധ മാര്ച്ച് നടത്തി. ബി.ജെ.പി ജില്ലാ അധ്യക്ഷന് പ്രാശാന്ത് മലവയല് ഉദ്ഘാടനം ചെയ്തു. സി.പി.എം സംസ്ഥാന നേതൃത്വം ഒരുമിച്ച് ചേര്ന്ന് ആലോചിച്ച് രൂപീകരിച്ച ആഗോള തട്ടിപ്പ് കമ്പനിയാണ് ബ്രഹ്മഗിരി സൊസൈറ്റി. ചാരിറ്റബിള് ട്രസ്റ്റിന്റെ പേരില് രജിസ്റ്റര് ചെയ്തിട്ടുള്ള കമ്പനിയുടെ പേരില് ആരില് നിന്നും പണം പിരിക്കാന് നിയമപരമായി അധികാരമില്ലെന്നിരിക്കെ കോടികള് സമാഹരിച്ചതും വകമാറ്റി ചിലവഴിച്ചതും ആസൂത്രിതമായാണ്.
സാധാരണക്കാര് അംഗങ്ങളായ കുടുംബശ്രീകളില് നിന്നടക്കം പിരിച്ച പണം ദുരുപയോഗം ചെയ്തത് സി.പി.എമ്മിന്റെ ജില്ലയിലെ പ്രധാന നേതാക്കളാണ്.
കമ്പനി തകര്ന്ന് തരിപ്പണമായിട്ടും തുടര്ന്ന് പ്രവര്ത്തിക്കുമെന്ന മോഹന വാഗ്ദാനങ്ങള് നല്കി ഇപ്പോഴും നിക്ഷേപകരെ വഞ്ചിക്കുകയാണെന്നും സി.പി.എം നേതാവിന്റെ ഭാര്യയായ ബാങ്കിലെ ഉദ്യോഗസ്ഥയ്ക്ക് കുഴല്പ്പണം ഇടപാടില് പങ്കുണ്ടെന്നും പ്രശാന്ത് മലവയല് ആരോപിച്ചു.
അതിനാല് തന്നെ കള്ളപ്പണ ഇടപാട് ഇ.ഡി അന്വേഷിക്കണമെന്നും അദ്ദേഹം ആരോപിച്ചു. ബി.ജെ.പി ബത്തേരി മണ്ഡലം പ്രസിഡന്റ് എ.എസ്. കവിത അധ്യക്ഷത വഹിച്ചു.
ബി.ജെ.പി നേതാക്കളായ പി.ജി. ആനന്ദകുമാര്, ടി.എം. സുബീഷ്, കെ.ബി. മദന്ലാല്, രാധാ സുരേഷ്, ലീല തൊടുവട്ടി, പി.ആര്. ലക്ഷ്മണന്, മനോജ് കുമാര്, സി.ആര്. ഷാജി നേതൃത്വം നല്കി.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
