വടകരയിലെ ഹോട്ടലില്‍ തീപിടിത്തം

വടകര: പുതിയ സ്‌റ്റാന്റിനു സമീപം ആര്യഭവന്‍ ഹോട്ടലില്‍ തീപിടിത്തം. ഇന്നലെ ഉച്ചക്ക്‌ ഒരു മണിയോടെയാണ്‌ ഹോട്ടലിന്റെ അടുക്കളഭാഗത്ത്‌ നിന്ന്‌ തീയും പുകയും ഉയര്‍ന്നത്‌. ഈ പ്രദേശമാകെ മൂടുംവിധത്തില്‍ പുക ഉയര്‍ന്നത്‌ പരിഭ്രാന്തി പരത്തി.
ഓടിക്കൂടിയ നാട്ടുകാരും പിന്നാലെ എത്തിയ ഫയര്‍ഫോഴ്‌സും ചേര്‍ന്ന്‌ തീ അണക്കുകയുണ്ടായി. ഗ്യാസ്‌ സിലിണ്ടര്‍ ലീക്കായതാണ്‌ തീപിടിത്തത്തിനുകാരണമായതെന്നാണ്‌ നിഗമനം. കാര്യമായ നഷ്‌ടമില്ലെന്നാണ്‌ വിവരം.