കളഞ്ഞുകിട്ടിയ ബാഗ് പോലീസ് സ്റ്റേഷനില് ഏല്പ്പിച്ച് യുവാക്കള് മാതൃകയായി
പുളിങ്കുന്ന്: കളഞ്ഞുകിട്ടിയ ബാഗ്, വിലപിടിപ്പുള്ള മൊബൈല് ഫോണ് എന്നിവ പോലീസ് സ്റ്റേഷനില് ഏല്പ്പിച്ച് യുവാക്കള് മാതൃകയായി.
പ്രവാസിയായ പുളിങ്കുന്ന് കാഞ്ഞിക്കല് വീട്ടില് ജോസഫ് മാത്യുവിന്റെ 1,00,000രൂപ വിലയുള്ള എസ് 24 അള്ട്രാ മൊബൈല് ഫോണ്, എമിറേറ്റ്സ് ഐ.ഡി കാര്ഡ്, ഡ്രൈവിങ് ലൈസന്സ്, നാല് എ.റ്റി.എം കാര്ഡുകള്, യു.എ.ഇ ദിര്ഹം എന്നിവയടങ്ങിയ ബാഗാണ് യാത്രാ മധ്യേ നഷ്ടപ്പെട്ടു പോയിരുന്നത്.
പുളിങ്കുന്ന് സെന്റ് ജോസഫ് സ്കൂളിലെ പ്ലസ് ടു വിദ്യാര്ഥിയായ കൈനകരി തോട്ടുവാത്തല പനമുക്കം വീട്ടില് മനോജിന്റെ മകന് നിവേദ്, സ്കൂബാ ഡൈവറായ കൈനകരി തോട്ടുവാത്തല ദേവസ്വംപറമ്പ് വീട്ടില് സന്തോഷിന്റെ മകന് അബിന് എന്നിവര്ക്കാണ് ഇവ ലഭിച്ചത്. കഴിഞ്ഞ വ്യാഴാഴ്ച രാത്രി പതിനൊന്നോടെ പുളിങ്കുന്നിലുള്ള ബന്ധുവീട്ടില് പോയി മടങ്ങി വരും വഴി പൊട്ടുമുപ്പത് പാലത്തിനു സമീപം വച്ച് ബാഗ് ലഭിക്കുകയായിരുന്നു.
ഉടന് അവര് പുളിങ്കുന്ന് പോലീസ് സ്റ്റേഷനില് എത്തിച്ച് നല്കി. തുടര്ന്ന് പോലീസ് നടത്തിയ അന്വേഷണത്തില് ബാഗിന്റെ അവകാശിയെ കണ്ടെത്തി ഇന്നലെ കൈമാറി.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
