പഠനവിഷയം തെരഞ്ഞെടുക്കുമ്പോള് കുട്ടികളുടെ അഭിരുചി പരിഗണിക്കണം
കോഴഞ്ചേരി: പഠന വിഷയം തെരഞ്ഞെടുക്കുമ്പോള് കുട്ടികളുടെ അഭിരുചി അറിയണമെന്ന് ജില്ലാ കളക്ടര് എസ്. പ്രേം കൃഷ്ണന്. മറിച്ചുള്ള തീരുമാനങ്ങള് പിന്നിട് ജീവിതത്തില് വലിയ നഷ്ടങ്ങള്ക്ക് കാരണമായി തീര്ന്നേക്കാമെന്നും അദ്ദേഹം പറഞ്ഞു.കാരംവേലി എസ്.എന്.ഡി.പി ഹയര് സെക്കന്ഡറി സ്കൂളില് 8 -ക്ലാസ്സ് മുതല് 12- ക്ലാസ്സ് വരെ പഠിക്കുന്ന കുട്ടികളില് പാഠ്യ- പാഠ്യേതര രംഗങ്ങളില് മികവ് തെളിയിച്ചവരെ ആദരിക്കുന്നതിനായി സംഘടിപ്പിച്ച എഡ്യൂ ഫെസ്റ്റ് - 2026 ഉത്ഘാടനം ചെയ്ത് സംസാരിക്കുകയായിരുന്നു കളക്ടര്. കോഴഞ്ചേരി യൂണിയന് പ്രസിഡന്റ് മോഹന് ബാബു അദ്ധ്യക്ഷനായിരുന്നു. വിദ്യാഭ്യാസ അസി. സെക്രട്ടറി ഇ.ജി . ബാബു മുഖ്യപ്രഭാഷണം നടത്തി. മികവ് തെളിയിച്ച എല്ലാ വിദ്യാര്ഥികള്ക്കും മെഡലുകള് സമ്മാനിച്ചു. ഇലന്തൂര് ബ്ലോക്ക് പഞ്ചായത്ത് പ്രസിഡന്റ് ഗീതാ സജീവ്. മല്ലപ്പുഴശ്ശേരി ഗ്രാമ പഞ്ചായത്ത് പ്രസിഡന്റ് ബെന്നി കുഴിക്കാല, പി.ടി.എ പ്രസിഡണ്ട് എസ്.സനല്, കാരംവേലി ശാഖായോഗം പ്രസിഡന്റ് എം.വിജയരാജന് , സെക്രട്ടറി പ്രസന്നന് , സ്കൂള് ഹെഡ്മിസ്ട്രസ് എസ് .പുഷ്പ കെ.വി സജീവ്,എസ്. ജയലക്ഷ്മി പി. മജ്ഞു എന്നിവര് പ്രസംഗിച്ചു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
