പെരുമ്പായിക്കാട് പോസ്റ്റ് ഓഫീസ് നിര്ത്തലാക്കുന്നതിനെതിരേ പ്രതിഷേധം
പാറമ്പുഴ: നഗര പ്രദേശങ്ങളിലുള്ള ബ്രാഞ്ച് പോസ്റ്റ് ഓഫീസുകള് നിര്ത്തലാക്കി സബ് പോസ്റ്റ് ഓഫീസുകളില് ലയിപ്പിക്കുന്നതിന്റെ ഭാഗമായി പെരുമ്പായി ക്കാട് പോസ്റ്റ് ഓഫീസ് നിര്ത്തലാക്കുന്നതിനെതിരെ സര്വകക്ഷി പ്രതിഷേധ സമരം സംഘടിപ്പിക്കാന് കുമാരനല്ലൂര് മണ്ഡലം കോണ്ഗ്രസ് കമ്മറ്റി തീരുമാനിച്ചു.
കോട്ടയം നഗരസഭയുടെ 2, 3, 4, 5, 6, 53, വാര്ഡുകളില് ഉള്പ്പെടുന്ന പാറമ്പുഴ , സംക്രാന്തി, പള്ളിപ്പുറം, വട്ടമുകള്, നീലിമംഗലം, നട്ടാശേരി, ഏറ്റുമാനൂര് നഗര സഭയിലെ അടിച്ചിറ, തെള്ളകം, പ്രദേശങ്ങളിലെ ആയിരക്കണക്കിനു വീട്ടുകാരുടെയും, സ്ഥാപനങ്ങളുടെയും, വ്യക്തികളുടെയും പാസ്പോര്ട്ട്, ആധാര്, ലൈസന്സ്, സര്ട്ടിഫിക്കറ്റുകള്, തുടങ്ങിയ എല്ലാ രേഖകളിലും മാറ്റം വരുത്തേണ്ടിവരുമെന്നു ജനങ്ങള് ആശങ്കയിലാണ്. കുമാരനല്ലൂരില് രണ്ടാം നിലയില് പ്രവര്ത്തിക്കുന്ന പോസ്റ്റ് ഓഫീസിനെ കിലോമീറ്ററുകള് സഞ്ചരിച്ചു ദൈനം ദിനാ വശ്യങ്ങള്ക്കു സമീപിക്കേണ്ട സ്ഥിതിയാണ് ഉണ്ടാകുന്നത്. വരുമാനത്തിലും ഇടപാടുകളിലും ജില്ലയില് മുന്പന്തിയിലാണു പെരുമ്പായിക്കാട് പോസ്റ്റ് ഓഫീസ്. പാറമ്പുഴ ബേത് ലേഹം പള്ളിയുടെ ഉടമസ്ഥതയിലുള്ള വിശാലമായ കെട്ടിടത്തിനു ജനങ്ങളുടെ സൗകര്യത്തെ കരുതി കേവലം ഇരുപത്തിയഞ്ചു രൂപ പ്രതിമാസ വാടകയ്ക്കാണു തപാല് വകുപ്പിനു നല്കിയിരിക്കുന്നത്. പെരുമ്പായി ക്കാട് പോസ്റ്റ് ഓഫീസ് നിലനിര്ത്തുന്നതിനു മന്ത്രിമാര്ക്കും , ജനപ്രതിനിധികള്ക്കും, തപാല് അധികൃതര്ക്കും നിവേദനം നല്കുന്നതിനും സര്വകക്ഷി ജനകീയ പ്രക്ഷോഭം ആരംഭിക്കുന്നതിനും മണ്ഡലം കോണ്ഗ്രസ് കമ്മറ്റി തീരുമാനിച്ചു. പ്രസിഡന്റ് സാബു മാത്യു അധ്യക്ഷത വഹിച്ച യോഗത്തില് എം.എ ഷാജി, ബൈജു പി. ജോര്ജ്, റോസ് ചന്ദ്രന്, അരവിന്ദാക്ഷന് നായര്, ഷാജി ജോസഫ്, എം.ടി. തോമസ്, ജോണ്സണ്. കെ. തോമസ്, നാസറുദ്ദീന്, വര്ഗീസ് കുരുവിള, അജിത് കുരുവിള, റോണി ചാക്കോ, തമ്പാന് പി. വര്ഗീസ് എന്നിവര് പ്രസംഗിച്ചു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
