ഇതരസംസ്ഥാന തൊഴിലാളി വീട് അടിച്ചുതകര്ത്തു
കട്ടപ്പന: പുളിയന്മലയില് ഇതരസംസ്ഥാന തൊഴിലാളി വീടിന്റെ ജനല്ച്ചില്ലുകള് അടിച്ചുതകര്ത്തു. തിങ്കളാഴ്ച രാത്രി പുളിയന്മല ഇളംപുരയിടത്തില് വിനോദിന്റെ വീട്ടിനുനേരെയാണ് ആക്രമണമുണ്ടായത്. കമ്പിപ്പാര ഉപയോഗിച്ച് ജനല്ചില്ലകള് തകര്ത്ത് അക്രമി വീട്ടിലെ ടിവി, ലാപ്ടോപ്പ് ഉള്പ്പെടെയുള്ളവ കുത്തിതാഴെയിട്ടു. യാതൊരുവിധ പ്രകോപനവുമില്ലാതെയാണ് ഇയാള് ആക്രമണം നടത്തിയത്. വീടി ന്റെ മുറ്റത്തുനിന്ന് ശബ്ദം കേട്ടാണ് വീട്ടുകാര് ഉണരുന്നത്. തുടര്ന്ന് വീടിന്റെ മുന്ഭാഗത്തെ ലൈറ്റ് ഇട്ടതിനുശേഷം വീട്ടുമുറ്റത്ത് സ്ഥാപിച്ച സി.സി ടി.വി ദൃശ്യങ്ങള് പരിശോധിച്ചപ്പോഴാണ് ആരോ മുറ്റത്ത് നില്ക്കുന്നതായി കണ്ടത്.
ലൈറ്റുകള് ഇട്ടതോടെ ഇയാള് കൈയിലിരുന്ന കമ്പിപ്പാര ഉപയോഗിച്ച് ആക്രമണം നടത്തുകയാ യിരുന്നുവെന്ന് വീട്ടുകാര് പറഞ്ഞു. തുടര്ന്ന് കതക് കുത്തിതുറക്കാനും ശ്രമം നടത്തി. വീട്ടുകാര് വിവരം അറിയിച്ചതിനെ തുടര്ന്ന് നാട്ടുകാരെത്തി വണ്ടന്മേട് പോലീസില് വിവരം അറിയിക്കുകയും ഇയാളെ പിടികൂടി പോലീസിന് കൈമാറുകയും ചെയ്തു. ഇയാള് എവിടെനിന്നാണ് വന്നതെന്ന കാര്യത്തില് യാതൊരു വ്യക്തതയുമില്ല. പ്രതി മാനസിക അസ്വാസ്ഥ്യമുള്ള ആളാണ്.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
